IT Hotdesking Launch & Reception

ဒီနေ့ တော့ အလုပ်မှာ ညနေ IT Hotdesking Launch & Reception ရှိတယ်၊ အားလုံး မတက်မနေရ တက်ရမယ်ဆိုပြီး အီးမေးလာတာနဲ့  သွားလိုက်ရတယ်။ ညနေ ၄း၃၀ စပြီး ညနေ ၆း၀၀ အထိ။ ဒီအလုပ်မှာ လုပ်တာ ၃ လ လောက်ရှိတော့မယ်ဆိုပေမယ့် အီးမေးထဲမှာ ပြောထားတဲ့ နေရာကို တခါမှ မကြားဘူး၊ ဘေးကတစ်ယောက်မေးတော့လည်း ပြောတော့ပြောတယ် သူပြောတာကို ကိုယ်ကမသိ။ နောက်တော့ မထူးပါဘူး အားလုံးသွားကြမှာပဲ မေးမနေတော့ဘူး၊ အဲ့ဒီအချိန်မှသာ သူတို့ ရှေ့ ကသွားတဲ့နေရာ၊ နောက်က လိုက်သွားတော့မယ် စဉ်းစားပြီး အလုပ်ဆက်လုပ်နေလိုက်တယ်။ အချိန်လည်းနီးလာတော့ ဘယ်သူနောက် လိုက်သွားရ ကောင်းမလဲ စဉ်းစားနေတာ အပေါက်ဝမှာ IT CEO ကိုတွေ့ တာနဲ့  သူကတော့ အဲ့ဒီမှာ Opening Address ပေးမှာဆိုတော့ သူနောက်လိုက်သွားရင် နေရာအမှန် ရောက်မှာပဲလို့ တွေးပြီး လိုက်သွားလိုက်တာ အဲ့ဒီ အခန်းက နေစဉ် အလုပ်လုပ်နေတဲ့ အဆောက်အဦးမှာ မဟုတ်ပဲ အရှေ့က အဆောက်အဦးမှ ဖြစ်နေကြောင်း သိလိုက်ရတယ်။

လူတွေ အများကြီးပဲ။ အားလုံး လူ ၂၀၀ နီးပါးရှိမယ် ထင်မိတယ်။ အခန်းပေါက်ဝမှာ Hotdesking Survivor Kit (Goodies Bag) ပေးနေတယ်၊ အားလုံး လက်မှတ်ထိုးပြီး ထုတ်ယူပါဆိုတာနဲ့  သွားယူလိုက်တာ အိတ်တစ်အိတ်ရလာခဲ့တယ်။ Laptop ထည့်တဲ့ အိတ်ပုံစံ လက်ကဆွဲလို့ လည်းရ၊ လွယ်လို့ လည်း ရတဲ့ တဲ့ အနက်ရောင် အိတ်လေးတွေ ပေးနေတာပါ။ အိတ်လေးထဲမှာ ရေဘူး၊ တစ်ရှူးထုတ်၊ Kitkat၊ Name Card Box နဲ့  တစ်ခြားဟာ အားလုံး Item 10 ခုပါတာတယ် သိရတယ်။ ကျွန်မက စိတ်မ၀င်စားလို့  အဲ့ဒီ အိတ်ကို ယူလာပြီး အခန်းထဲမှာ ထိုင်၊ ပွဲစမယ့် အချိန်စောင့်ရင်း Hand Ph ထုတ်ပြီး Game Play နေလိုက်တာ၊ ဘေးနားမှာ ထိုင်နေတဲ့လူတွေက အိတ်ထဲကဟာတွေ ဟိုထုတ်ကြည့်၊ ဒီထုတ်ကြည့်လုပ်ပြီး တရုတ်လို ကွစိကွစိ ပြောလိုက်၊ အင်္ဂလိပ်လို ပြောလိုက်နဲ့ မို့  အိတ်ထဲမှာ ဘာတွေပါလဲ သိလိုက်ရတာပါ။ ဒီလူတွေ တော်တော် စပ်စုကြတာပဲ လို့ တွေးမိလိုက် သေးတယ်။

၅ နာရီလည်း ထိုးရော ကောင်မလေးတစ်ယောက်က ပွဲ အစီအစဉ်တွေပြောတယ်။ နောက်တော့ ဟိုလူကြီး တက်လာပြီး စကားတွေ စပြောတော့တယ်။ လည်ချောင်းနာနေလို့  နည်းနည်းပဲ ပြောတော့မယ်ဆိုပြီး ပြောသွားတာ မိနစ် ၂၀ လောက်ကြာတယ်။ ဒီအလုပ်ရောက်ပြီးထဲက သူပြောတာ နားထောင်ရတာ ဒါ ၅ကြိမ် မြောက်ပါပဲ။ အရင်ကတော့ သူလည်း ပြောချင်ရာပြော၊ ကိုယ်ကလည်း စိတ်မ၀င်စားတာနဲ့  သူပြောသမျှ နားထဲ ဒီဘက်က၀င်၊ ဟိုဘက်ကထွက် လုပ်နေခဲ့တာ ဒီတခါတော့ သူ့  နောက်ကလိုက်ပြီးမှ ဒီအခန်းကို ရှာတွေ့ တာဆိုတော့ ဘာပဲဖြစ်ဖြစ် သူပြောတာလေး နားထောင်လိုက်ပါဦးမယ် ဆိုပြီး ဂရုတစိုက် နားထောင်ဖြစ်သွားတယ်။

Hotdesking လုပ်တဲ့ အကြောင်း၊ ဘာကြောင့် လုပ်ရတယ်ဆိုရယ်၊ ဘာတွေ ကောင်းတယ်၊ ဘယ်နေရာမှာ ပြင်ဖို့ လိုသေးတယ် ဆိုတာတွေ နဲ့  ကျေးဇူးတင်တဲ့ အကြောင်းတွေ ပြောသွားတယ်။ တစ်ခုက ဒီ Company မှာ IT dapartment မှာတင် Staff အားလုံးပေါင်း ၂၂၀ ကျော်ရှိတယ်ဆိုတာ သိလိုက်ရတယ်။ အရင်နှစ်က ဒီအချိန်မှာ ရှိတဲ့ IT department ရဲ့ Staff အရေအတွက်က ၁၇၀ ကျော်ပဲရှိတယ် ပြောတယ်။ ဒီလို Staff တွေ တိုးခန့် နေလို့ လည်း Hotdesking ပုံစံကို ပြောင်းမသုံးရင် Office ကို ပြောင်းရမှာ ဖြစ်ကြောင်း ရှင်းပြတယ်။ နောက် စိတ်ဝင်စားစရာ ကောင်းတာ တစ်ခုက အလုပ်လာစရာမလိုပဲ အိမ်တွေကနေပဲ အလုပ်လုပ်နိုင်အောင်လည်း စီစဉ်ဦးမယ် ပြောတယ်။ Policy အရတော့ ခုအချိန်မှာ မလုပ်နိုင်သေးပေမယ့် သူတို့ ပထမဆုံး လုပ်နိုင်အောင် ကြိုးစားနေတယ် ပြောတာပဲ။ မဆိုးပါဘူး။ အပြောကတော့ အတော် ကောင်းသားပဲ။ မဆီမဆိုင် ရှေ့ မှာတော့ လူမြင်ကွင်းလို ဟာမျိုးမှာဆို သာယာ၊ ချိုသာမယ့် စကားလေးတွေ ပြောပြီး နောက်ကွယ်မှာ မဟုတ်တာလုပ်နေတဲ့ သူတွေ၊ အမြင်ပန်းအရ ယဉ်ကျေးချင်ယောင် ဆောင်နေပေမယ့် တကယ့်တကယ်တော့ ပြောသလို မဟုတ်သူတွေ အများသားလို့  တွေးမိလိုက်သေးတယ်။

ပြီးတော့ Hotdesking နဲ့  ပတ်သတ်ပြီး Staff တွေ သရုပ်ဆောင်ထားတဲ့ ၁၀ မိနစ်လောက် Vedio လေးပြတယ်။ အလုပ်မှာ တကယ် ဖြစ်နေတာတွေ အားလုံးပါအောင် ရိုက်ထားတာမို့ ရယ်နေရတယ်။ အဲ့ဒီထဲက Hotdesking လုပ်ပြီး နေရာ တနေရာထဲ မထိုင်တော့ မတွေ့ ချင်တဲ့ သူတွေကို ရှောင်နိုင်တယ် ဆိုတာလေးကို အကြိုက်ဆုံးပါပဲ။ ရှောင်ချင်ပြီဆို ကိုယ်ထိုင်တဲ့ နေရာက ဖုန်းတွေကိုလည်း login မ၀င်ထားတော့ ဘယ်လိုမှ ရှာလို့ မရနိုင်တော့ဘူးလေ။ တချို့ ဆို တစ်နေ့ လုံး ဖုန်းကို Login မလုပ်ကြဘူးဆိုတာကိုလည်း ကြားလိုက်ရ သေးတယ်။

Vedio ပြီးတော့ Tea Time ဆိုတာနဲ့  သွားစားရသေးတယ်။ မုန့်် တွေကလည်း အများကြီး၊ Buffet ကျွေးတာမို့  ကိုယ့်လည်း ဘယ်သူမှ သိတာမဟုတ်ဘူး၊ ၀ အောင်စားတာကောင်းပါတယ်လို့ တွေးမိတာနဲ့  ကိုယ်ကြိုက်တဲ့ မုန့် ကို ၃ ခါပြန်သွားထည့်စားလိုက်တယ်။ :D မုန့် အမျိုးပေါင်း ၁၀ မျိုး လောက်တော့ ရှိတယ်။ အားလုံးထဲမှာ အကြိုက်ဆုံးမုန့် ကတော့ မုန့် ကုလားမည်းလို မုန့် မျိုးကို အုန်းသီးလေး ဖြူးထားတဲ့မုန့် ပါ။ စားလို့  အရမ်းကောင်းတာနဲ့  ညစာ အလွတ်ကို စားဖြစ် သွားတယ်။ စားပြီး သောက်ပြီး ဗိုက်ဝ သွားတော့၊ တခြား ဘာလုပ်စရာ ရှိဦးတော့မလဲ။ အိတ်လေးယူပြီး အိမ်ပြန်ရုံပဲ ရှိတော့တာပေါ့။