Pages

May 01, 2015

A donation

လှူမယ် စိတ်ကူးတဲ့ အလှူတစ်ခုကို ဒီနေ့  လှူဖြစ်သွားတယ်။

I just made a donation to Nepal Earthquake Relief Fund via DBS iBanking

April 30, 2015

Home Cooked Food

ပထမဆုံး စားဖူးတဲ့ အိမ်မှာချက်သော ငါးခေါင်းဟင်း။

ငါးခေါင်းဟင်း စားလေ့မရှိဘူး။ မကြိုက်ဘူး။ ရန်ကုန်မှာတုန်းက အလွန်ဆုံးစား ငါးရံ့ခေါင်းချဉ်ဟင်း၊ ဒါတောင် အမေက ငါးခေါင်းကို သူ့ ပန်းကန်ထဲဆယ်ထည့်ပြီး ကိုယ့်ပန်းကန်ထဲက အသားထွင်ပြီးသား လာထည့်ပေးမှ စားဖြစ်တာမျိုး။ ခုလို ငါးခေါင်းအကြီးကြီးကို ချက်တာမျိုး လုံးဝ မစားခဲ့ဘူး။ မဆလာနံ့၊ curry ဟင်းနံ့ မျိုးကို လုံးဝမကြိုက် စားလေ့မရှိ၊ ငါး သိပ်မကြိုက်တာကြောင့် လည်းပါမယ်။ စင်္ကာပူရောက်မှ ရှောင်လို့ မကောင်းတဲ့ အခါတွေမှသာ စားဖြစ်တယ်။ တစ်ခါတလေ ရှားရှားပါးပါးဆိုသလို လူအများနဲ့  မလွဲမရှောင်သာ အပြင်ဆိုင်မှာ စားတဲ့အချိန် ပဲ စားဖြစ်တာပါ။ မှတ်မှတ်ရရ ဆိုင်မှာ နောက်ဆုံးစားဖြစ်တာ မမွန်ဒီလာလည်တုန်းက ဆိုတော့ အတော်ကြာပြီ။ အဲဒီတုန်းက စားနေရင်း အရိုးဆူးသွားတဲ့အတွက် နောက်ပိုင်း ငါးခေါင်းဟင်းဆို ဝေးဝေး ပိုရှောင်ဖြစ်တယ်။ :D

ခုလို အိမ်မှာချက်တဲ့ ငါးခေါင်းဟင်းတော့ စားလို့ ရတယ်။ ဟင်းချက်တဲ့သူက ဟင်းချက်ကောင်းတယ်။ ပြီးတော့ ကိုယ့်အကြောင်းသိနေတဲ့အတွက် ကိုယ်မစားတတ်၊ မကြိုက်တဲ့ အနံ့တွေ အများကြီးမပါပဲ ငါးခေါင်းဟင်းအရသာလည်းမပျက်၊ စားလို့ လည်းရအောင် ချက်ပေးထားလို့ ထင်တယ် အရသာရှိပြီး စားလို့ ရတယ်။

အဲ့ဒီနေ့ က ငါးခေါင်းဟင်းတစ်ခုတည်းဆို စားဝင်မ၀င် မသေချာလို့  (ချက်တဲ့သူ လက်ယာကို မယုံတာ မဟုတ်ပါ) ကြက်သားလေးပါကြော်ဖြစ်တယ်။

ငါးခေါင်းဟင်းချက်တဲ့သူက ချက်တဲ့သူက စိတ်ရှည်တယ်။ သေချာ အဆင့်ဆင့်ချက်တာ။ ဒါက ပထမဆုံး ဟင်းလုံးတုန်း ရိုက်ထားတာ။ ဓာတ်ပုံရိုက်ဖို့ မနည်းဖယ်ခိုင်းရတယ်။

From Food

နောက်ပိုင်းတော့ တားမရမှန်းသိလို့ လားမသိဘူး၊ ဓာတ်ပုံရိုက်ခွင့် ပေးတယ်။ ရိုက်ချင်လွန်းလို့ ရယ်တော့ မဟုတ်ပါဘူး။ သူများချက်တာဆိုတော့ ဒီတိုင်းကြီး ဘာမှမလုပ်ပဲ စားတာမျိုးဆို သိပ်မကောင်းဘူးထင်တာနဲ့  ဘေးကနဲ့  ဓာတ်ပုံရိုက်ပြီး စားကောင်းအောင် အားပေးခဲ့တာပါ။

လုံးပြီနောက် အိုးထဲပြောင်း ချက်နေတုန်း အဆင့်ဆင့်ရိုက်ထားတာ။

From Food
ဒါကတော့ ငါးခေါင်းကြီး အိုးထဲကနေ ပန်းကန်ထဲ ရောက်သွားတဲ့အခါ ရိုက်ထားတဲ့ ပုံပါ။

From Food
ကြက်သားကြော်လေးလည်း ဓာတ်ပုံရိုက်ဖို့ မမေ့ခဲ့ပါဘူး ... သေချာ ဒီလို အရောင်ရအောင် စိတ်ရှည်လက်ရှည်ကြော်ရတာ (တခါတလေမို့  စိတ်ရှည်တာ :D ) ဓာတ်ပုံရိုက်ဖို့ မေ့လို့ မဖြစ်ဘူးလေ။

From Food

အားလုံးချက်ပြီး  စားရန် အသင့် ထည့်ပြီးပုံ.. နှစ်မျိုးလုံးကို  တစ်ရက်တည်းချက်တာမှန်း  မှတ်မိအောင်  ခုလို  တွဲရိုက်ပေးခဲ့ရတယ်..... 

From Food

မနွယ်ချက်တဲ့ ငါးခေါင်းဟင်းကလည်း ကောင်း၊ ကိုယ့်ဘာသာ ကြော်တဲ့ ကြက်သားကြော်ကလည်း ကောင်းဆိုတော့ အဲဒီနေ့ က သာမာန်ထက် ထမင်းပိုစားဖြစ်ခဲ့တယ်။ ဒီဟင်းတွေ  ချက်စားဖြစ်တာကြာပြီ အလုပ်ရှုပ်နေတာနဲ့  ခုမှပဲ ဒီမှာလာမှတ်ထားဖြစ်တယ်။

April 10, 2015

Singapore’s Favourite Dessert: Ice Kachang

ဒီနေ့ ညနေစာ ထမင်းစားပြီး စားဖြစ်ခဲ့တဲ့ အချိုပွဲ။ ညနေစာ ဘာစားရင်ကောင်းမလဲ လိုက်ကြည့်ရင်း သူများတွေ ၀ယ်နေတာတွေ့ ပြီး စားချင်စိတ်ပေါက်သွားတာနဲ့  ၀ယ်စားဖြစ်ခဲ့တာ။

From Singapore Food
Ice Kachang ကို စင်္ကာပူမှာ hawker ဆိုင်းတိုင်းမှာ ရောင်းတာ များတယ်။ တချို့ ဆိုင်တွေက စားမကောင်းဘူး။ ဒီနေ့ ၀ယ်စားတာတော့ စားလို့ ကောင်းတယ်။ ကြိုက်တယ်။ ခုရက်ပိုင်းတော့ ရာသီဥတုက ပူလို့ လားမသိဘူး ထမင်းစားပြီးရင် အေးအေးစိမ့်စိမ့် ရှိတာမျိုးလေး ထပ်စားရတာကို အရသာတွေ့ နေတယ်။

စားလို့ ကောင်းသလို အရောင်စုံလေးဆိုတော့ ကြည့်လို့ လည်းလှတယ်။ အစာပလာတွေ ဘာတွေပါလဲ သေချာမြင်ရအောင် မစားခင်မှာ ဟိုဘက်ဒီဘက် နှစ်ပုံရိုက်ဖြစ်တယ်။  ရေခဲခြစ်ပေါ်မှာ အချိုရည်ဆမ်းပြီး၊ ကျောက်ကျော နဲ့ ပဲ ပါတယ်။ ဒူရင်းသီး ဒါမှမဟုတ် သရက်သီး နှစ်မျိုးမှာ တစ်မျိုးရွေးပါဆိုတာနဲ့  သရက်သီးထည့် စားခဲ့တယ်။ SGD 3.30 ပေးရပါတယ်။
From Singapore Food

March 31, 2015

Shan Noodles

ပုံမှန်ဆို ရှမ်းခေါက်ဆွဲ စားလေ့မရှိဘူး။ မကြိုက်ဘူး။ မဖြစ်မနေ စားရတောင် တစ်ဇွန်း၊ နှစ်ဇွန်းထက်ပို မစားဖြစ်ဘူး။ ဒါပေမယ့် ပြီးခဲ့တဲ့ စနေ့ နေ့ က စားခဲ့ရတဲ့ ဒီရှမ်းခေါက်ဆွဲကိုတော့ ကြိုက်တယ်။ စားလို့ ကောင်းလို့  တစ်ပန်းကန်လုံး ကုန်အောင်စားဖြစ်ခဲ့တယ်။ ချက်ပြုတ် ပြင်ဆင်ကျွေးတဲ့သူ စေတနာကောင်းလို့  စားလို့  ပိုကောင်းတာလည်း ဖြစ်မယ်။

From Burmese Food


ပထမဆုံးအကြိမ် ရှမ်းခေါက်ဆွဲကို နှစ်သက်စွာနဲ့ တစ်ပန်းကန်လုံးကုန်အောင် စားဖြစ်ခဲ့ခြင်း အမှတ်တရ ဒီမှာလာမှတ်ထား လိုက်တယ်။

သေချာနှံ့အောင်နယ်ပြီးမှ စားရတယ်ဆိုလို့  အားပါးတရ (တူ သုံးပြီး) နယ်လိုက်တာ ဒီပုံထွက်သွားတယ်။ အစုံပါအောင်ထည့်ထားပေးတာလို့ ပြောတယ်။ ဆီတို့ ဖူးတော့ လုံးဝ မစားတတ်လို့ ထည့်မပေးဘူး။ ဂျူးမြစ်ချဉ်လည်း ပါတယ်။ ဓာတ်ပုံထဲမှာ မမြင်ရဘူး ဖြစ်နေတယ်။

From Burmese Food

March 29, 2015

Pay last respect to Singapore's founding father Lee Kuan Yew

Lee Kuan Yew (1923-2015)
ဒီနေ့ စင်ကာပူ ဝန်ကြီးချုပ်ဟောင်း ( the founding father of modern Singapore ) လီကွမ်ယု ကိုနောက်ဆုံး အနေနဲ့  နှုတ်ဆက် ဂါရ၀ပြုဖို့  Singapore Poly နားမှာ သွားစောင့်ဖြစ်တယ်။ Dover MRT ကို ရောက်သွားချိန်က နေ့ လည် ၁၂ ကျော်ကျော်လေး။ လူတွေအတော် များနေပြီ။ ဒါပေမယ့် ကံကောင်းတယ်ဆိုရမယ် ကားလမ်းဘေး ဖြတ်သွားရင် သေချာမြင်ရနိုင်တယ့် နေရာမှာ နေရာရတယ်။ ခဏစောင့်ပြီး သိပ်မကြာဘူး မိုးတွေက ရွာလာရော။ ရပ်နေသူအားလုံးပဲ မိုးရွာထဲ ထီးတွေ ဖွင့်ဆောင်းပြီး ဆက်စောင့်ကြတယ်။ စောင့်နေရင်းနဲ့  "Farewell to Lee Kuan Yew" တိုက်ရိုက်ထုတ်လွှင့်နေတာကို ဖုန်းတွေကနေ ကြည့်ကြတယ်။ လူတိုင်း ကိုယ်စီကိုယ့်ဖုန်းကို ထုတ်ကြည့်နေ စရာမလိုဘူး။ ဘေးနားမှာ ကြည့်နေသူတစ်ယောက်က လက်ကို ခပ်မြင့်မြင့်ထားပြီး အနားတစ်ဝိုက်မှာ ရှိတဲ့ လူတွေ မြင်နိုင်အောင် ပြပေးတယ်။ အဲ့လို ပြပေးနေတဲ့သူ လက်ညောင်းသွားတာ၊ ဆက်ပြဖို့  အဆင်မပြေတော့တာကို မြင်ရင် နောက်တစ်ယောက်က သူ့ ဖုန်းကို ထုတ်ပြီး ပြပေးတယ်။ အဲလို့ နဲ့  စောင့်နေတဲ့ ၁ နာရီခွဲကျော်ကျော်အတွင်း YouTube ကနေ တိုက်ရိုက်လွင့်နေတာကို တစ်ချက်မှ လွတ်မသွားပဲ ကြည့်ခွင့်ရခဲ့တယ်။ မိုးကလည်း အဆက်မပြတ် ရွာနေတော့ ထီးတွေ ဘယ်လိုထီးဆောင်း  ထီးတွေက ထပ်နေတော့ ထီးတွေအကြားက ရေတွေကျ မိုးတွေစိုကြတာပဲ။ တစ်ယောက်ယောက်ပေါ် ထီးအစွန်းက ကျတဲ့ရေတွေ တိုက်ရိုက်ကျတာတွေ့ တယ်ဆို အဆင်ပြေအောင် ထီးတွေရွှေ့ပြီး ညှိပေးကြတယ်။ ဒီနေရာမှာ စောင့်နေသူ အားလုံးဟာ ဒီနိုင်ငံရဲ့ ခေါင်းဆောင် လီကွမ်ယူကို နောက်ဆုံး နှုတ်ဆက် ဂါရ၀ပြုကြမယ်ဆိုတဲ့ တစ်ခုတည်းသော တူညီတဲ့ စိတ်နဲ့  ရောက်နေကြသူတွေကြီးပဲဆိုတော့ တစ်ယောက်နဲ့  တစ်ယောက် အငြင်းမပွါး၊ တွန်းတိုက်မှု့  မရှိတာတွေ့ ရတာ စိတ်ချမ်းသာမိတယ်။ တစ်ခြားနေရာတွေမှာတော့ မသိဘူး၊ ကိုယ်တွေ စောင့်တဲ့ နေရာကလူတွေကတော့ လီကွမ်ယုကို သယ်ဆောင်လာတဲ့ ကား ဖြတ်သွားဖို့  နီးကပ်လာချိန်မှာ လေးစားစွာ ဂါရ၀ပြုကြမယ်ဆိုပြီး တညီတညွတ်ထဲ ထီးတွေ အားလုံးပိတ် စောင့်နေခဲ့ကြတယ်။ ခေါင်းကနေ ခြေအဆုံး စိုရွှဲခဲ့ကြတယ်။ ဒါပေမယ့် ဘယ်သူမှ မိုးစိုလို့ ဆို မငြီးငြူခဲ့ကြဘူး။ လီကွမ်ယုကို သည်ဆောင်လာတဲ့ ကားဖြတ်သွားချိန်မှာ သူ့ နာမည်ကို ထပ်ခါထပ်ခါ ကြွေးကျော်ရင်း နောက်ဆုံး နှုတ်ဆက်ကြတယ်။ ကျေးဇူးတင်တယ်ပြောရင်း နှုတ်ဆက်ကြတယ်။ နောက်က ကားတွေဖြတ်သွားချိန်မှာ လက်ခုပ်တီးပြီး အားပေးနှုတ်ဆက်ကြတယ်။

ဒီနေ့  ပြည်သူချစ်တဲ့ နိုင်ငံခေါင်းဆောင်တစ်ယောက်ရဲ့ နောက်ဆုံး ခရီးဟာ ဘယ်လိုလဲဆိုတာကို ပထမဆုံး ကိုယ်တိုင် ကြုံတွေ့ ခံစား သိရှိခဲ့ပါတယ်။

ပုံမှန်ဆို ဓာတ်ပုံတွေ ဟိုရိုက်ဒီရိုက်လုပ်တတ်ပေမယ့် ဒီနေ့ တော့ဘာပုံမှ မရိုက်ဖြစ်ပါဘူး။ ဒီနေ့  သွားတဲ့ ကိုယ့်ရဲ့ ရည်ရွယ်ချက်က လီကွမ်ယုကို ဂါရ၀ပြုဖို့ ဆိုတဲ့ စိတ်တစ်ခုပဲရှိတယ်။ ဒီတော့ မြင်သမျှကို စိတ်နဲ့ ပဲ ခံစား မှတ်သားရင်း၊ လီကွမ်ယုကို လေးစားစွာဖြင့် နှုတ်ဆက် ဂါဝရပြုဖြစ်ခဲ့ပါတယ်။