ကုန်ဈေးနှုန်းတွေ တတ်တယ်ဆိုတာ မြန်မာပြည်မှာ မွေးဖွားကြီးပြင်းလာတဲ့ ကျွန်မတို့ အတွက် ငယ်ငယ်ထဲက ကြားဖူးနေ၊ အမြဲတမ် ကြုံတွေနေရလို့  ရင်းနှီးနေတဲ့ အရာတစ်ခုပါ။ ကျွန်မတို့  မြန်မာနိုင်ငံလောက် မဆိုးရွားပေမယ့် ဒီနိုင်ငံမှာလည်း ဈေးနှုန်း တတ်လို့ ရသမျှ အရာအားလုံး မသိမသာလေးနဲ့  အကုန်တတ်နေပါတယ်။ တခြားဈေးနှုန်းတွေ တက်တာ အရမ်း မသိသာပေမယ့်၊ အိမ်ခန်းငှါးခတွေ တက်တာကတော့ အရမ်းများ၊ အရမ်းသိသာပါတယ်။ လွန်ခဲ့တဲ့ ၁ နှစ်ကဆို အိမ်ငှါးရင် အိပ်ခန်း ၃ ခန်းပါတဲ့ အခန်းတစ်ခန်း ဒီကအခေါ် (3+1) ကိုဆို တစ်လ ၁၂၀၀-၁၃၀၀ လောက်ပေးရင် ကိုယ်နဲ့ အဆင်ပြေမယ့် နေရာမျိုးမှာ နေလို့  ရတယ်။ တစ်ချို့ နေရာတွေဆို ဒီထက်တောင် သက်သာသေးတယ်။ အခု နောက်ပိုင်းမှာ တော့ တစ်လ ၁၈၀၀-၂၀၀၀ ပေးမှ အဲ့လို အိမ်ခန်းမျိုး ရနိုင်တော့တယ်။ အရင်နှုန်းနဲ့ ဆို တစ်ယောက်တည်း အိပ်ခန်းတစ်ခန်းယူမယ်ဆို ၄၀၀ လောက်ပေးရင် ရတာကနေ အခုဆို ၆၀၀ လောက်ပေးမှ ရနိုင်တော့တယ်။ ဒီတော့ တစ်လ ကုန်ကျစရိတ်မှာ အိမ်လခမှာတင် ၂၀၀ ကျော် ပိုကုန်နေပြီ။ တခြား ရထားခ၊ Bus ကားခ၊ စားသောက်စရိတ် တွေကလည်း တတ်သေးတယ်။
ကုန်ဈေးနှုန်းတွေက သာတတ်တာ၊ အလုပ်မှာ ရတဲ့ လခ အဲ့ဒီလောက် တိုးဖို့ ဆိုတာ သိပ်မလွယ်ပါဘူး။ အလုပ် တစ်ခုတည်းမှာ နေမယ်ဆို တစ်နှစ် တစ်နှစ် လခ ၅% - ၁၀% တယ်ဆိုတာ အလွန်ဆုံးတိုးတာပါ။ အလုပ်ပြောင်းမှသာ ဒီထက်ပိုပြီး လခရဖို့  လမ်းရှိတာ ဆိုတော့ သူများတွေ နည်းတူ ကျွန်မလည်း အလုပ်ပြောင်းရင် ကောင်းမလား၊ စဉ်းစားရတော့တာပေါ့။ တကယ်တန်း အလုပ်ပြောင်းမယ် တွေးကြည့်တော့ ချင့်ချိန်စရာတွေကများ၊ ခေါင်းတွေရှုပ် စိတ်တွေရှုပ်ဖြစ်နေခဲ့တယ်။ ကျွန်မ လက်ရှိလုပ်နေတဲ့ အလုပ်က လခတိုးနှုန်း အရမ်း မများတာ၊ အလုပ်ကနေပြီး ဘယ် messenger ကိုမှ သုံးလို့ မရတာ၊ Website အတော်များများကို ကြည့်လို့ မရတာတွေကလွဲရင် ကျန်တာအားလုံး အဆင်ပြေနေတယ် ဆိုရမယ်။ အလုပ်က ပေးတဲ့ pressureလည်း အရမ်းမများဘူး။ ဒီအလုပ်မှာ အရမ်းပျော်ရွှင်နေတယ် မဟုတ်ပေမယ့် ၊ အရမ်းစိတ်ညစ် စိတ်ရှုပ်စရာ မရှိခဲ့ဘူး။
နှစ်ပတ်လောက် အသေအချာစဉ်းစားပြီး ခုချက်ချင်းတော့ အလုပ်မပြောင်းသေးဘူးလို့  ဆုံးဖြတ်လိုက်တယ်။ အလုပ်ပြောင်းမယ် ဆိုရင်တောင် နောက်နှစ်လယ်လောက်မှ ပြောင်းဖို့  ကြိုးစားတော့မယ်။ တကယ်ဆို အလုပ်တွေ ခနခန ပြောင်းတာကလည်း မကောင်းဘူး မဟုတ်လား။ ( မပြောင်းတော့ဘူး ဆုံးဖြတ်လို့  ဒီစကားပြောတာ၊ ပြောင်းမယ်လို့  ဆုံးဖြတ်ခဲ့တယ်ဆို အဲ့လိုစကား မပြောဘူး :D) ။
No comments:
Post a Comment