အများလေးစားရတဲ့ ၈၈ ကျောင်းသားခေါင်းဆောင် ကိုမင်းကိုနိုင် ရဲ့ ၄၅ နှစ်ပြည့် မွေးနေ့ ...
၁၈ အောက်တိုဘာ ၂၀၀၇ ..
မင်္ဂလာရှိသော မွေးနေ့ ရက်မြတ်ဖြစ်ပါစေ...
သစ္စာတရားကို ယုံကြည်တဲ့ တို့ ရဲ့ခေါင်းဆောင်..
အမြန်ဆုံး လွတ်မြောက်ပါစေ.. လွတ်လပ်ပါစေ..
ကိုယ်စိတ်နှစ်ပါး.. ကျန်းမာပါစေ.. ချမ်းသာပါစေ..
မိသားစုနဲ့  မခွဲမခွါ သာယာငြိမ်းချမ်းတဲ့ ဘ၀ကို ရရှိပါစေ...
တိုက်ပွဲကဒါဏ်ရာတွေ ပြသနိုင်တဲ့ အောင်ပွဲနေ့  အမြန်ဆုံး ရရှိအောင် ဦးဆောင်နိုင်ပါစေ..
၈၈ ကျောင်းသားခေါင်းဆောင် ကိုမင်းကိုနိုင်ဟာ စစ်အစိုးရ၏ အကျဉ်းထောင်အတွင်း ၁၆ နှစ်နီးပါးဖမ်းဆီး အကျဉ်းချထား ခံခဲ့ရပြီးနောက် ၂၀၀၄ ခုနှစ် နိုဝင်ဘာလ အတွင်းက ပြန်လည်လွတ်မြောက်လာကာ ၂၀၀၆ အောက်တိုဘာ ၂ ရက်နေ့မှာ ပြန်လည် ဖမ်းဆီးခြင်းခံခဲ့ရပါတယ်။ ထို့ နောက် ၁၁ ဇန်န၀ါရီ ၂၀၀၇ မှာ တဖန်ပြန်လည် လွတ်မြောက်လာပေမယ့် ကုန်ဈေးနှုန်း ကျဆင်းရေးကို ငြိမ်ချမ်းစွာ လမ်းလျှောက် ဆန္ဒပြခဲ့ကြရာမှာ ဦးဆောင်ပါဝင်ခဲ့ကြတဲ့ အတွက် ကိုမင်းကိုနိုင်နဲ့  တခြား ကျောင်းသား ခေါင်းဆောင်တွေကို စစ်အစိုးရရဲ့ ၈ လပိုင်းမှာ ၂၂ ရက်နေ့ မှာ ပြန်လည် ဖမ်းဆီးအကျဉ်းချထား ခဲ့ပြန်ပါတယ်။ ခုအချိန်အထိ ပြန်လည် လွတ်မြောက်ခြင်း မရှိသေးပါဘူး။ စစ်အစိုးရရဲ့ အကြမ်းဖက်နှိပ်စက်မှု့တွေကြောင့် ကိုမင်းကိုနိုင် အပါအ၀င် ကျောင်းသား ခေါင်းဆောင်တချို့  ထောင်အတွင်း ဆေးရုံမှာ ဆေးကုသမှု့ ခံယူနေရတယ်ဆိုတဲ့ သတင်းတွေ ကြားခဲ့ရပါတယ်။ သူတို့ တွေရဲ့ အခြေအနေ ဘယ်လိုရှိနေလဲ ဆိုတာ အတိအကျ မသိရပါဘူး။
ဒီနေ့  မနက်ပိုင်း ဖတ်ရတဲ့ သတင်းတချို့ အရ မနေ့ ညနေပိုင်းက ဇာဂနာ၊ ကျော်သူ နဲ့  ဇနီးဖြစ်သူေ၇ွှဇီးကွက်တို့ နဲ့ အတူ ကိုမင်းကိုနိုင်နဲ့  တခြား ကျောင်းသားခေါင်းဆောင်တချို့ လည်း ပြန်လည်လွတ်မြောက်လာပြီလို့  ကြားရပြန်တယ်။ အဲ့ဒီသတင်းကို သတင်းမှန် ဖြစ်စေချင်ပါတယ်။ ဒါပေမယ့် ခုချိန်အထိတော့ ပြန်လည် လွတ်မြောက်လာသူတွေထဲမှာ ကိုမင်းကိုနိုင်တို့ လည်း ပါတယ်ဆိုတဲ့ သတင်းမှန်ကန်ကြောင်းကို confirm ဖြစ်စေမယ့် သတင်းမျိုး မတွေ့  ရသေးပါဘူး။
ကိုမင်းကိုနိုင်အပါအ၀င် အများအကျိုးအတွက် စွန့် လွှတ်၊ အနစ်နာခံ၊ ကြိုးပမ်းနေသူများအားလုံးကို လေးစားမိပါတယ်.. စစ်အစိုးရရဲ့ မတရားဖမ်းဆီးခြင်းခံနေရတဲ့ နိုင်ငံရေး အကျဉ်းသားများ အားလုံး အမြန်ဆုံး ပြန်လည်လွတ်မြောက်ကြပါစေ...
Other Related Links:
သစ္စာ - မင်းကိုနိုင်
မျှော်လင့်ခြင်း - မင်းကိုနိုင်
မင်းကိုနိုင် နှင့် ပြည်သူတို့  တိုင်တည်ခဲ့သော သစ္စာအဓိဌာန်စကား
မင်းကိုနိုင်နှင့် စကားပြောခြင်း (ဧရာဝတီ - မေ ၂၄၊ ၂၀၀၇)
No comments:
Post a Comment