ကဗျာတစ်ပုဒ်

ဒီကဗျာလေးကို ကူညီရှာဖွေပေးခဲ့တဲ့ ကိုသူရိန်ကို ကျေးဇူးတင်ပါတယ်။

လူတယောက် ကွယ်လွန်ခြင်း
လူတယောက်. ဘ၀နိဂုံး
အဆုံးသို့ ရောက်ပြီ
ဂူထဲမှာလဲလျောင်း
မူလရပ်ဌာန်သို့
ပြန်မလာတော့ပြီ
ချိုမြိန်သော သတိရခြင်းနှင့်
တသသ မြင်ယောင်နေရုံမှ အပ
သူ့ဘ၀ ရှင်သန်လာခြင်းမရှိ
ဇာတိ ဒီမှာ ဇာတ်ဆုံးပြီ
ငယ်စဉ်က သူငယ်ချင်းများ
ယုံကြည်ချက်တူ ရဲဘော်များ
ဆွေမျိုးသားချင်းများ
လုပ်ဖော်ကိုင်ဘက်များ
သူ့ဇနီးနှင့်သားသမီးများ
စည်ကားစွာ လိုက်ပို့
သူ့ဘ၀. နောက်ဆုံးဆုံးခရီးသို့
ယပ်တောင်ကလေးကမ်း
နှုတ်မဆက်တမ်း ထွက်ခွာသွား
အနားယူ အိပ်စက်ခြင်းပဲလား
ဘ၀သစ်တခု ကူးပြောင်းခြင်းပဲလား
ကျန်ရစ်သူများမှာတော့ ရင်ဟာပြီး
ဘ၀င် နာသလိုလို
ငိုချင်ရက်နဲ့ အငိုဖုံး
အပြုံးကလေး လျော့တိလျော့ရဲနဲ့
ခွဲခွာခြင်းကို ခံစားနေရပြီ
သူ ဆိုးခဲ့ တေခဲ့သမျှ
သတိရစရာအဖြစ် ပြောင်းလဲ
သူ ရဲရင့်ခဲ့သမျှ
အမှတ်တရ ကျောက်တိုင်သဖွယ်
သူ ကွယ်လွန်ခါမှ
သူရုပ်ပုံက ပီသလာ
ဘယ်မှာ ပျောက်ဆုံးလို့လဲကွယ်
လူတယောက် သေပြီးနောက်
ပျောက်ကွယ်သွားတာက ရုပ်ခန္ဓာပဲ
ူသူ့ခြေရာ လက်ရာ
အလုပ်နဲ့ ဂုဏ်သိက္ခာကတော့
ထာဝစဉ် ရှင်သန်လျက်ပါပဲကွယ်

၉။ ၆။ ၉၉ နေ့က ကွယ်လွန်သွားတဲ့ ကိုဖိုးထင်ရဲ့ ၁၁။၆။ ၉၉ အသုဘကအပြန်
တင်မိုး
၁၂ ဇွန် ၁၉၉၉ စနေနေ့ နံနက်ခင်း