ဒီသီချုင်းလေးက တော့ အချစ် အကြောင်းရေးထားတဲ့ သီချင်းလေးပါ။ တကယ်တော့ ချစ်သူတွေ ဖြစ်ကြတဲ့ ရည်ရွယ်ချက်က တချိန်ချိန်မှာ အရင်းနှီးဆုံး လူသားနှစ်ယောက် ဖြစ်ကြဖို့ ပါ။ ခုတော့ ချစ်သူနှစ်ယောက် ကြားဆက်ဆံရေးမှာ တစ်စုံတစ်ခု မှားနေတယ်၊ ဒီ အမှားလေးကို သိပြီး၊ အချိန်မှီသာပြင်ဆင်ခွင့်မရခဲ့လိုက်ရင် သူတို့  နှစ်ယောက်ဟာ အရင်းနှီးဆုံးတွေဖြစ်မလားပဲ၊ အဝေးဆုံးကို ရောက်သွားကြမယ်ဆို တဲ့ အကြောင်းလေး ရေးထားတာပါ။
ဒီသီချင်းလေး နားထောင်ပြီး ကျွန်မ လူတွေ လုပ်လေ့ရှိတဲ့ အမှားဆိုတာတွေ အကြောင်းတွေးမိတယ်။ ကျွန်မကို လူတစ်ယောက်က ငါက ဘယ်တော့မှ မမှားခဲ့ဖူးဘူး၊နောင်လည်း ဘယ်တော့မှ မှားမှာ မဟုတ်ဘူး လို့  လာပြောမယ်ဆို ၊ ကျွန်မကတော့ ဒီလူဟာ တစ်စုံတစ်ခု မှားယွင်းနေတယ်လို့  ထင်မိမှာပဲရှင့်။ တခါတလေ ကိုယ်ကမှားလို့  မှားနေမှန်းမသိ ဖြစ်နေတာ သာရှိချင် ရှိမယ်၊ အမှားကြီးကြီးမားမားတွေ မလုပ်ခဲ့သေးတာသာ ရှိချင် ရှိမယ်၊ လောကမှာ အမှား လုံးဝ မလုပ်ဘူးခဲ့ဘူးတဲ့ လူဆိုတာ မရှိနိုင်ဘူးလို့  ကျွန်မထင်တယ်။ နောင် အမှား လုံးဝ မလုပ်ပါဘူးဆိုတာလည်း မဖြစ်နိုင်ဘူးလို့  ထင်တယ်။ လူမှန်ရင် အမှားနဲ့  မကင်းနိုင်ကြပါဘူး။ အမှား မလုပ်မိအောင်ဆိုတာ ဘာမှ မလုပ်ပဲ နေရင်တောင် မရနိုင်ဘူးထင်ပါတယ်။ ဘာလို့ လည်းဆိုတော့ လူဖြစ်ပါရဲ့ ဘာမှ မလုပ်ပဲ နေတယ်ဆိုကတည်းက ဒီလူဟာ တစ်စုံတစ်ခုတော့ မှားနေတာပဲပေါ့။
တစ်စုံတစ်ယောက်က အမှားတစ်ခု လုပ်မိတယ်ဆိုတာကို ကျွန်မတို့  သိခဲ့ရင် အဲ့ဒီလူကို ချက်ချင်း အပြစ်တင်၊ ရှုံ့ချ ဖို့ မကြိုးစားပဲ ဒီလူ ဘာကြောင့်၊ ဘာလို့  ဒီအမှားကို လုပ်မိတယ် ဆိုတာမျိုးကို အရင်လေ့လာသင့်တယ် ထင်မိတယ်။ တကယ်ဆို တချို့ လူတွေက မသိလို့  အဲ့ဒီ အမှားဆိုတာကို လုပ်မိကြတာပါ။ တခိ်ျု့  လူတွေ ကြတော့လည်း မှားမှန်း သိသိကြီးနဲ့  မှားပစေဆိုပြီး တမင်လုပ်ကြတယ်ပေါ့လေ။ သိသိကြီးနဲ့  အမှားကို ထပ်ခါထပ်ခါ လုပ်သူများကိုတော့ ကျွန်မ ဘာမှ မပြောလိုပါဘူး။ ဒါပေမယ့် တစ်ကြိမ်တစ်ခါ မသိလို့  မှားမိသူတွေကို့  အတတ်နိုင်ဆုံး ကြိုးစားခွင့်လွတ် သင့်တယ်လို့ ထင်မိတယ်။ တကယ်ဆို ကိုယ်လည်း သူ့ လို မသိပဲ မှားခဲ့တဲ့ အမှားတွေက နည်းတာမှ မဟုတ်တာ။ကျွန်မတို့ တွေ ကလေးဘ၀ကနေ ခုချိန် အထိ အကြိမ်ပေါင်းများစွာ မှားခဲ့ကြတယ်။ မှားနေကြတယ်။ နောင်လည်း မှားကြဦးမှာပဲ။ အဲဒီ အမှားဆိုတာကို ကျွန်မတို့  လုံဝ မလုပ်မိအောင် ရှောင်ဖို့ ဆိုတာ မဖြစ်နိုင်ပေဘူး။ ဒါပေမယ့် ကိုယ်တိုင် ကြုံခဲ့ကြတဲ့ အမှားတစ်ခုကိုတော့ နောက်အကြိမ် ထပ်ခါထပ်ခါ မလုပ်မိအောင်တော့ ရှောင်လို့  ရနိုင်တယ်။ ဒါက ကိုယ့်လုပ်ဖူးတဲ့ အမှားကနေ သင်ခန်းစာ ပြန်ယူတဲ့ သဘောပေါ့။
တချို့  ကတော့ ပြောကြတယ်၊ ငါမမှားမခြင်း လုပ်ချင်တာလုပ်နေဦးမှာပဲတဲ့။ ကိုယ်တိုင် တစ်ခါလောက် မှားပြီးမှ နောင်တရ၊ အမှားပြင်၊ နောက်ထပ်မလုပ်တော့ဘူးဆိုတဲ့ သဘောလား။ ဒါလည်း အဖြစ်သင့်ပါဘူး။ အမှားဆိုတာ ကိုယ်တိုင်မဟုတ်ပေမယ့် တခြားသူတွေ ကြုံတွေကြ၊ လုပ်မိကြတဲ့ အမှားတွေကို ကြည့်ူပြီး ကိုယ်လည်းသူတို့ လို အမှားမျိုးတွေ မလုပ်မိအောင် ကြိုးစားလို့  ရနိုင်ပါတယ်။ ကိုယ့်အမှားကတင်မဟုတ် သူ့ များအမှားကပါ ကိုယ်ယူတတ်ရင် သင်ခန်းစာ ယူလို့ ရနိုင်တယ်ဆိုတဲ့ သဘောပါ။ အရာရာတိုင်းကို ကိုယ်တိုင်လုပ်ကြည့် ပြီးမှ မှားခဲ့ရင် သင်ခန်းစာယူ နောင်မမှားအောင်လုပ်ကြမယ်ဆို ကျွန်မတို့  ဘ၀တွေက နဂိုက အမှားများရတဲ့ အထဲ မှားပြီးရင်း ဆက်မှားနေတော့မှာပဲပေါ့။
ကျွန်မလုပ်ခဲ့ဘူးတဲ့ အမှားပေါင်းများစွာ၊ ကျွန်မမြင်တွေ့  နေရတဲ့ အမှားလုပ်သူတွေ.. သိလျှက်နဲ့ မှားသူတွေ.... မသိပဲမှားသူတွေ.... လူသားတွေရဲ့ အမှားတွေ.. အမှားပေါင်းများစွာ…
အို.. ဒါတွေရေးရင်း စဉ်းစားမိတယ်။ သီချင်းလေးတစ်ပုဒ်နားထောင်ရာကနေ အတွေးများသွားတဲ့ ကျွန်မကရော တစုံတရာများ မှားယွင်းနေတာလား…
3 comments:
မှားပါတယဖတ်မိတာ. *gaung muu thwar be*
အင်း…ဒီိပိုစ့်ရေးတဲ့ သူတင် တစ်ခုခုမှားနေတာမဟုတ်ဘူး.. လာဖတ်သူတစ်ယောက်တော့ သူလာ ဖတ်မိတာ မှားပါတယ် ဆိုပြီး ၀င်ခံသွားပြီ။ :D
ဟုတ်ပါတယ်။ ကျနော်လည်း ၀န်ခံသွားပါပြီ။ မှားသွားပါတယ်လို့.. :P
Post a Comment