ပုရစ်ကြော်

ကိုယ်တိုင်ရိုက်ထားတဲ့ အစားအသောက်ပုံတွေမို့ လား၊ ကြိုက်တဲ့ အစားအသောက်တစ်ခုမို့  ရေးတာလားဆို တစ်ခုမှ မဟုတ်ဘူ။ တခါမှ မစားဖူးတဲ့ အစားအသောက်မို့  ရေးမှတ်ထားလိုက်တာ။

ပုရစ်ကြော်... ပုရစ်ကြော် ... အခု ပုရစ်ကြော် အကြောင်း စဉ်းစားနေတယ်....

အပြင်မှ ပုရစ်ကြော် ရောင်းတာတွေတော့ တွေ့ ဖူးတယ်။ စာအုပ်တွေထဲမှာ ဖတ်ဖူးတယ်။ တစ်ခါမှ မစားဖူးဘူး။ ကြောက်လို့ .. ရွံ့ လို့  မစားဖြစ် မဟုတ်ဘူး။ စားစရာ တစ်ခုအနေနဲ့  သတိမထားမိခဲ့တာပါ။ အိမ်မှာ ဘယ်သူမှ ပုရစ်ကြော် စားတယ်၊ စားမယ်လို့  ပြောတာမျိုး ကြားမှ မကြားဖူးတာ။ အဖေက တော့ ခြေလေးချောင်းသား မစားဘူး၊ ငါးဆို အကောင်ကြီးရင် မစားတဲ့ သူဆိုတော့ ဒီလို အစားအသောက်ကို တခါမှ စားဖူးတယ် မထင်။ အဖေက တွင်းပိုးတောင် မစားဘူး။ အမေက အစားအသောက် မရွေးဘူး၊ စားလို့  ကောင်းတာဆို အကုန်စားတဲ့ သူမျိုးဆိုတော့ စားဖူးလောက်တယ်။ ဒါပေမယ့် အမေက အဖေနဲ့ မတူဘူး.. အစားအသောက်ကို အလုပ်ရှုပ်ခံ စားဖို့ စဉ်းစားတဲ့ သူမဟုတ်ဘူး။ အမေ ဘာလေးစားချင်တာ ပြောတဲ့အသံမျိုး မကြားဖူးသလောက်ပဲ။ ရှိတာနဲ့  စားတယ်၊ ဘာမှ တမ်းတမ်းတတ ဖြစ်မနေတတ်တဲ့သူ။

စားပါဦး တော့ပစ်မှာ မောင်ဂူးဂူး တင်ထားတဲ့ပုံ

Original Photo by Gu Gu

ဘယ်က ဘယ်လို ပုရစ်ကြော် အကြောင်းစဉ်းစားမိသွားတာလဲဆို နေးတစ်မှာ သူများတွေ ပုရစ်ကြော် စားကြတယ်၊ စားချင်တယ် ရေးထားတာတွေတွေ့ နေလို့ ပါ။ အခုအချိန်က ပုရစ်ပေါ်တဲ့ အချိန်။ အစ်မကြီး တစ်ယောက်ရဲ့ အရေးအသားအရဆို ဒီအချိန်ပေါ်တဲ့ ပုရစ်က ပိုစားကောင်းတယ်တဲ့။ ဇန်န၀ါရီလလောက်မှာ ပေါ်တဲ့ ပုရစ်က အကောင်သေးလို့  စားမကောင်းဘူး။ ပုရစ်အထီးထက်စာရင် ဥပါတဲ့ ပုရစ်အစ်မက ပိုပြီး စားလို့ ကောင်းတယ်လို့  ဆိုထားတယ်။ လှည်းတန်းဈေးမှာ ပုရစ် အမ ၁၀ ကောင် ၇၀၀၊ အထီး ၁၀ ကောင်ကို ၅၀၀ ၊ အကောင်တစ်ရာလောက်ဝယ်တဲ့ အခါ အမကို ၁၀ ကောင် ၅၀၀ ဈေးနဲ့  ရခဲ့ကြောင်း ဖတ်လိုက်ရတယ်။ သူရေးထားတာ နိုဝင်ဘာလဆန်းက။ အခုအချိန် ၀ယ်လို့ ရသေးလား၊ ဘယ်ဈေးရှိလဲတော့ မသိ။ မမေးကြည့်မိဘူး။ တရုတ်တန်းမှာလည်း ၀ယ်လို့ ရတယ်ဆိုတဲ့ အကြောင်း ရေးထားတာဖတ်ရမှ ကျွန်မ မြင်ဖူးတဲ့ ပုရစ်ကြော်တွေ ရောင်းနေတဲ့ မြင်ကွင်းက တရုတ်တန်းမှာဖြစ်ကြောင်း သတိရတော့တယ်။

ဝယ်လာတဲ့ ပုရစ်ကြော်ကို ဆီပူလေးထိုးစားကြတယ်။ အတောင်ချွတ် ဦးမျှင်နဲ့  ဆူးပါတဲ့ ခြေထောက်လေးတွေ ဖြုတ်ပြီး ကျန်တာ အကုန်စားတယ်။ အင်း.. ရေးထားတာ စုံနေတာပဲ။ နေးတစ်က အစားအသောက် တော့ပစ်တွေ ဖတ်ရတာ ဗဟုသုတတော့ အတော်လေးရတယ်။ ကိုယ်တစ်ခါမှ မစားဖူးတဲ့ အစားအသောက်တွေ အကြောင်းသိရတယ်။ ပုရစ်ကြော်က အမြည်းအနေနဲ့ လဲ အတော်ကောင်းဆိုပဲ။ နိုင်ငံခြားမှာလည်း ပုရစ်ကြော် စားချင်တယ်ဆို ၀ယ်လို့ ရတယ်တဲ့။ ကိုရွှေးရိုး သတင်းပေးထားတာ။ ယိုးဒယားက ဗူးနဲ့ လာတာ။ ယိုဒယား ဆိုင်တွေမှာ ရှာဝယ်လို့ ရတယ်ပြောတယ်။ ဟိုးဒယားလို ပုရစ်ကို Jing Leed လို့ ခေါ်သတဲ့။ စင်္ကာပူမှာ ၀ယ်လို့ ရမရမသိဘူး။ နောက်ကြုံမှ ထိုင်းဆိုင်တွေမှာ မေးကြည့်အုံးမယ်။ Thai Insert JingLeed

ပုရစ်ကြော် စားချင်တဲ့သူတွေ သွားရည်ယိုဖို့ အလို့ ငှါ နေးတစ်ဖိုရမ်မာ ကိုရွှေရိုး မျှဝေထားတဲ့ပုံ

Original Photo by ShweYoe

ဒီပိုစ့်ရေးရင် ချစ်သူကို မေးကြည့်လိုက်သေးတယ်။ ပုရစ်ကြော် ဆိုတာကြီး စားဖူးလားဆိုတော့ စားဖူးတယ်တဲ့။ ကြိုက်လားဆိုတော့ အရသာရှိအောင် ကြော်ထားတာဆို ကြိုက်တယ်တဲ့။ ရှင်းသွားတာပဲ။ သူပြောမှ စာအုပ်ထဲမှာ ဖတ်ဖူးတဲ့ ပုရစ်ကြော်ပုံကို နည်းနည်း သတိရတယ်။ အသေအချာတော့ မမှတ်မိတော့ဘူး။ ပုရစ်ဗိုက်ထဲ ကြက်သွန်ဖြူ၊ ဂျင်း စတာတွေ ထည့်ကြော်တယ်ဆိုလား မသိ။

တခြားအစားအသောက်တွေ အကြောင်းရေးရင် စားချင်စိတ်ပေါက်လာတာများတယ်။ အခု ပုရစ်ကြော်က ကိုယ်မစားဖူးတဲ့ အရာမို့ လားမသိဘူး စားချင်စိတ် မပေါ်ဘူး။ အင်း… ပုရစ်ကြော်ပုံတွေ ကြည့်ပြီး ဒီနိုင်ငံမှာ အတော်ပေါတဲ့ အကောင်တွေကို သတိရမြင်ရောင်သွားတယ်။ တူတော့ မတူဘူးပေါ့လေ…ဒါပေမယ့် ပုံစံ ဆင်တော့ ဆင်တယ်ပေါ့။ အဲဒီအကောင်ကို ကြည့်ပြီး ကြောက်တဲ့သူတွေ အခု ပုရစ်ကြော်ကိုတော့ စားကြ၊ ကြိုက်ကြလား မသိဘူး။