06 May 2008

မနက်က ရန်ကုန်ကို ဖုန်းခေါ်လို့ ရလို့  အမေနဲ့  စကားပြောလိုက်ရတယ်။ အိမ်ဖုန်းကို ခေါ်လို့  မရသေးဘူး။ ဟန်းဖုန်းကို ခေါ်မှ ရတယ်။ ရန်ကုန်မြို့ ထဲပိုင်းက အ်ိမ်ဖုန်းတွေကလွဲရင် တခြားနေရာတွေမှာ အိမ်ဖုန်းလိုင်းတွေ ပျက်နေတုန်းလို့  အမေက သတင်းပေးတာပဲ။ အိမ်အကြောင်း သတင်းမေးဖြစ်တယ်။ အိမ်မှာ ရှိတဲ့သူတွေ ခုလို အခြေအနေမျိုးဆို အပြင်ထွက်မှာ မဟုတ်တာကြောင့် တခြားအကြောင်းတွေမေးလဲ သိကြမှာ မဟုတ်တဲ့ အတွက် မမေးဖြစ်ဘူး။ ကံကောင်းလို့  အိမ်မှာ ဘာမှ ကြီးကြီးမားမား ထိခိုက်မှု့ မရှိတာ ဖြစ်ကြောင်း အမေက ပြောပြတယ်။

About my home from Yangon

အိမ်မကြီးဘက်မှာ ပြူတင်းပေါက် မှန်တွေ ကွဲသွားတာ၊ အိမ်ဘေးဘက်က ရေတံလျှောက်တွေ ပြုတ်ကျကုန်တာ ကလွဲရင် အရမ်းမထိခိုက်ဘူးလို့ သိရတယ်။ ဒါပေမယ့် ကားဂိုတောင်ဘက်က အမိုးအုတ်ကျွတ် တချို့ တော့ ကွာသွားတယ်တဲ့။ ဒါပေမယ့် အဲ့ဒီမှာ အိပ်နေတဲ့သူတွေတော့ ဘာမှ မဖြစ်ဘူးလို့ ပြောပါတယ်။ မုန်တိုင်းဖြတ်တဲ့ညက ပြူတင်းပေါက်မှန်တွေ ကွဲသွားတော့ မိုးရေတွေဝင်တာ အတော်လေး ခပ်ထုတ်ယူမှ ရတယ်တဲ့။ အခုတော့ ပြုတ်ကျသွားတဲ့ ရေတံလျှောက်ကို ဖယ်ပြီး ပြူတင်းပေါက်တွေကို ရေမ၀င်အောင် ပြန်ကာထားလိုက်ပြီလို့  ပြောပြပါတယ်။

ကံကောင်းလို့ ဘာမှ မဖြစ်တာလို့  ဘာလို့ ပြောရတယ်ဆိုတဲ့ အကြောင်း အမေက ရှင်းပြတယ်။ ကျွန်မတို့  ခြံအနောက်က ကပ်ရက် တောင်ကုန်းပေါ်မှာ ညောင်ပင်ကြီး တစ်ပင်ရှိတယ်။ မုန်တိုင်းကြောင့် အဲ့ဒီ ညောင်ပင်ကြီးလဲ သွားခဲ့တယ်။ ပုံမှန်အတိုင်းဆို ကျွန်မတို့ အိမ်ဘက်ကို ပြိုလဲကျဖို့ များရမှာပါ။ ကျွန်မတို့ အိမ်က အနိမ့်ပိုင်း၊ အပင်ကလည်း ကမ်းပါးပေါ်မှာရှိနေတာ။ အမြစ်ကလဲ ရေတိုက်စားထားလို့  တ၀က်လောက်ပေါ်နေတယ်။ အရင်အကိုင်းတွေကျိုးတာဆို အိမ်ဘက်ကို ကျတာများတယ်။ ဒါပေမယ့် အပင်ကြီး ပြိုလဲသွားတဲ့ အခါမှာတော့ ကျွန်မတို့  အိမ်ဘက်ကို မကျပဲ အဲ့ဒီကုန်းပေါ် တခြားတစ်ဖက်ကို လဲသွားတဲ့ အတွက် အိမ်တော့ ဘာမှ မဖြစ်ဘူး။ ညောင်ပင်ရှိတဲ့ ခြံထဲက အိမ်ကတော့ အတော်လေး ထိသွားတယ်၊ ပျက်စီးသွားတယ်လို့  ဆိုတယ်။ ညောင်ပင်ကြီးက အကြီးကြီဆိုတော့ အဲ့ဒီအိမ်တင်မက အဲ့ဒီခြံနဲ့ ဆက်နေတဲ့ တခြားဘက်က ဆောက်လက်စ အိမ်အသစ်တွေတောင် အမိုးတွေ ထိသွားတယ်တဲ့။ ကျွန်မ အဲဒီ အပင်ကြီးရှိတာ မေ့နေခဲ့တာ။ အမေပြောမှ သတိရတော့တယ်။ မဟုတ်ရင် စိုးရိမ်စိတ်ပူနေမိမှာ။ အဲ့ဒီအပင်အကြောင်းပြောပြီးတော့ ကျွန်မ အမြဲ တောင်းစားနေကြ အိမ်ရှေ့ ခြံက မရမ်းပင်ကြီးကို သတိရလားလို့  အမေက မေးတယ်။ ဘယ်မေ့မလဲ။ အဲ့ဒီအပင်က မရမ်းသီးတွေ သီးလိုက်ရင် ပြွတ်သိပ်နေအောင် သီးတာမို့  အချဉ်ကြိုက်တဲ့ ကျွန်မ အမြဲ မျှော်နေကျ အပင်ကြီးလေ။ အဲဒီ အပင်ကြီးလည်း လဲသွားတယ်တဲ့။ ကျွန်မတို့ အိမ်နဲ့ ဆို မြေနီလမ်းလေးပဲ ခြားတယ်။ တည့်တည့် ဒီဘက်ကို လဲရင် ကျွန်မတို့ အိမ် ခြံစည်းရိုးပေါ်ကျမယ်။ ဟိုဘက်လဲရင် အဲ့ဒီအပင်အောက်မှာ ရှိနေတဲ့ တိုက်ပုလေး ပြားသွားမယ်။ ဒါပေမယ့် နှစ်ဖက်စလုံး ကံကောင်းတယ် ဆိုရမလား ဘယ်ဘက်မှ တည့်တည့်မလဲပဲ တစောင်းလဲသွားတဲ့အတွက် အပင်ရှိတဲ့ ခြံရဲ့ စည်းရိုးနဲ့ ၊ ကျွန်မတို့  ဘယ်ဘက်ခြံက စည်းရိုးပဲ နည်းနည်းပျက်စီး သွားတယ်လို့ ပြောပြတယ်။ အဲဒီအိမ်လည်း ကံကောင်းတယ် ဆိုရမယ်၊ သူတို့ အိမ်ရှေ့  မရမ်းပင်အောက်မှ ရပ်ထားတဲ့ ကားနှစ်စီး ဘာမှ မဖြစ်ဘူးတဲ့။ နောက်တစ်ခု ကျွန်မတို့  အိမ်နဲ့  ကပ်နေတဲ့ ဘယ်ဘက်ခြံထဲက အုန်းပင်တွေလည်း လဲသွားတာလဲ အိမ်ဘက်ကို မလဲပဲ အဲ့ဒီခြံဘက်ပဲ လဲသွားတဲ့ အတွက် အိမ်ကို မထိဘူးလို့ ပြောတယ်။ ဒီဘက်လဲမယ်ဆို အိမ်နဲ့  ကွတ်တိ။ အမေ့ မှာ ကံကောင်းလို့  ဘာမှ မဖြစ်တာဆိုပြီး တဖွဖွပြောနေလေရဲ့။ ပြောလဲ ပြောချင်စရာပါပဲလေ။

အမေပြောပြတာတော့ အိမ်နားမှာ ရှိသမျှ အပင်တွေ အကုန် မရှိတော့ဘူး။ ကုန်ပြီတဲ့။ ကျွန်မတို့  အိမ်ရှေ့ က မချစ်စု သရက်ပင်လည်း အမြစ်ကနေ ကျွတ်သွားတယ်တဲ့။ အရင် ရင်ကွဲသရက်ပင်ကို ခုတ်ပြီး မချစ်စုပင်ပြောင်းစိုက်ထားတာ အခုမှ အသီးသီးခါစ ရှိအုံးမယ် ထင်တယ်။ အမေ စိုက်ထားတဲ့ ပုန်းညှက်ပင်လဲ မရှိတော့ဘူးတဲ့။ ညာဘက်ခြံမှာတော့ အဲ့ဒီအိမ်က အန်ကယ်ကြီး စိုက်ထားသမျှ နှစ်တိုင်း ဝေနေအောင် ပွင့်တဲ့ ကံကော်ပင်နဲ့  သရက်ပင်တွေ၊ ရှောက်ချိုသီးပင်တွေ ရှိသမျှ အပင် အကုန် အမြစ်ကကျွတ် ကုန်ပြီ၊ ဘာမှ မကျန်ဘူးတဲ့။ အိမ်ရှေ့ နဲ့  အိမ်နောက်က အုန်းပင်တွေအကြောင်းတော့ မမေးလိုက်မိဘူး။ ဘေးခြံက အပင်တွေတောင် လဲတယ် ဆိုတော့ အဲဒီ အပင်တွေလည်း ရှိတော့မယ် မထင်ပါဘူး။ ခြံနောက်က ပိန်းနှဲပင်လည်းရှိတော့မယ် မထင်၊ ရှောက်ပင်တွေလည်း ကုန်မှာပဲ။ စံပယ်ပင်တန်းတွေလည် ကျန်တော့မယ် မထင်ပါဘူး။

မနေ့ က အိမ်ကလူတွေ အလုပ်ကိစ္စတစ်ခုနဲ့  မြို့ ထဲဘက်ထွက်ဖြစ်၊ ဘောက်ထော်ဘက်တွေ ရောက်ဖြစ်တဲ့အကြောင်း ပြောတယ်။ ဘောက်ထော်ဘက်မှာ အပျက်အစီးများတယ်လို့  ပြောပြတယ်။ မြို့ ထဲမှာလဲ ပျက်စီးနေတာတွေ အများကြီးပဲ ရန်ကုန်မြို့ ဟာ တော်ရုံနဲ့  နလံပြန် ထူနိုင်မယ် မထင်ဘူးလို့  အမေက ပြောပြပါတယ်။ ဓာတ်ဆီဈေးက တဂါလံ ၁ သောင်း ဖြစ်နေတယ်။ ဓာတ်ဆီဆိုင်မှာ ဆီပေးနေပေမယ့် တန်းနေတာ အရှည်ကြီးပဲလို့  သိရမယ်။ ပုံမှန်ဆို အိမ်မှာ ဓာတ်ဆီ လုံလုံလောက်လောက် ရှိတတ်ပေမယ့် ခုအချိန်က နွေရာသီဆိုတော့ ဆီလှောင်ထားတာ အပိုသိပ်မရှိဘူး ပြောတယ်။ ဒါပေမယ့် အိမ်ကလူတွေ အပြင် သိပ်ထွက်ဖြစ်မှာ မဟုတ်လို့  ဓတ်ဆီသိပ်ကုန်မယ် မထင်ဘူး၊ ရှိတာလေးနဲ့  မီးစက်မောင်းဖို့  လုံလောက်နိုင်တယ်လို့  ပြောပါတယ်။ တခြားဟာအတွက် မီးစက်မမောင်းပဲနေလို့ ရပေမယ့် ဟန်းဖုန်း ဘက်ထရီသွင်းဖို့ တော့ မောင်းမှဖြစ်မယ့် အကြောင်း အမေကပြောပြတယ်။ အခုဖုန်းပြောလို့  ပြောဖို့ တောင် ညက မီးစက်မောင်းပြီး အားသွင်းထားရတာတဲ့လေ။

ဖယောင်းတိုင်တွေတာ သေချာတဲ့အတွက် သွားဝယ်တာ ၁၀ ထုတ် ၀ယ်လို့  ရခဲ့တယ်လို့ ပြောတယ်။ ရှေ့ တစ်ပတ်က လကုန်ခါနီးမို့  ဆန်၊ဆီ နဲ့ လိုအပ်တာ တွေ ၀ယ်ထားတာရှိလို့  အစားအသောက်အတွက် မစိုးရိမ်ဖို့ မှာတယ်။ ပြူတင်းပေါက်ကွဲတာတွေ၊ ကားဂိုတောင် အမိုးပေါက်သွားတာတွေတော့ ပစ္စည်းတွေ ၀ယ်ရခက်သလို ၊ လုပ်ပေးမယ့် အလုပ်သမားလဲ ငှါးလို့ မရဘူး တာကြောင့် ချက်ချင်း ပြန်မပြင်နိုင်သေးဘူးတဲ့။ နေလို့ ဖြစ်နေတာပဲ လုပ်ထားတယ်။ အိမ်က ဘာမှ မဖြစ်ပါဘူး၊ ရန်ကုန်မြို့ ပေါ်မှာတောင် ကိုယ့်ထက် အခြေအနေ ဆိုးတဲ့သူတွေက အများကြီးဆိုပြီး တခြား အသိအိမ်တွေအကြောင်း နည်းနည်းပြောပြတယ်။ မနေ့ ညက မီးစက်ဖွင့်ရင်း သတင်းကြည့်ဖြစ်လို့  TV မှာအစိုးရက ကြော်ငြာတဲ့ ပျက်စီးမှု့ သတင်းတွေ သိရတယ်လို့  ပြောပါတယ်။ ကျွန်မလည်း အင်တာနက်ပေါ်က သတင်းတချို့ အမေ့ကို ပြောပြဖြစ်တယ်။

အလုပ်သွားဖို့ ရှိတာနဲ့  စကားပြောတာ အမြန်ဖြတ်ရတယ်။ ဖုန်းမချခင် သတိရတာနဲ့  ရေ ကိစ္စမေးဖြစ်တယ်။ မနေ့ ညနေ ဖူးကြီးရေ ပြန်လာတယ်တဲ့။ ကြည်ကြည်လင်လင်တော့ မရှိဘူး၊ လာတဲ့ ရေတွေက အနောက်တွေလို့ ပြောတယ်။ ဘာပဲဖြစ်ဖြစ် ရေပြန်လာတာ တော်သေးတယ်ပါ သေးတယ်။ သုံးဖို့ ရေ ရတာပေါ့။ သောက်ရေ အတွက်တော့ မီးစက်နဲ့  အ၀ီဇိတွင်းက တင်မယ် ပြောတယ်။

ကျွန်မ အနေနဲ့  အိမ်ကို ဖုန်းဆက်မရလို့ သာ ဘာတွေဖြစ်မှန်းမသိ၊ အိမ်ကလူတွေ အဆင်ပြေရဲ့လား၊ အိမ်နားမှာက အပင်ကြီးတွေ များလို့  အိမ်ပေါ်တည့်တည့် အပင်တွေလဲသလား စိုးရိမ်ခဲ့တယ်။ အမှန်ဆို ကျွန်မ အိမ်အတွက် ဒီလောက် စိုးရိမ်စရာမရှိပါဘူး။ တစ်ခုခုဆိုတောင် ရန်ကုန်မြို့ ပေါ်၊ မြို့ ထဲက အိမ်တွေက အပျက်အစီးရှိတောင် သိပ်မကြာခင် ပြန်ထူထောင်နိုင်ကြမှာပါ။ ကုန်ဈေးနှုန်းတက်တောင် ၀ယ်ဖို့  ပိုက်ဆံ ရှိမှာပါပဲ။ တကယ် စိုးရိမ်ရမှာက မြို့ ဆင်ခြေပုန်းက တစ်နေ့ လုပ်မှ တစ်နေ့ စားရတဲ့ သူတွေ နဲ့  ဧရာဝတီ မြစ်ဝကျွန်းပေါ်ဒေသက လူတွေ အတွက်ပါ။ အဲ့ဒီလူတွေ ဘယ်လို လုပ်ကြမလဲ။ အင်း... လူဆိုတဲ့ အမျိုးက အတ္တကြီးတဲ့ အမျိုးဆိုတာ ဟုတ်မယ်။ တခြားသူတွေ အရေးထက်စာရင် ကိုယ့် အိမ်အတွက်၊ ကိုယ့်မိသားစုအတွက် အရင် စိုးရိမ်မိသွားတယ်။ :)