2006 World Cup Champion - ITALY

ဒီနေ့ 2006 World Cup , Final ပြင်သစ် နဲ့ အီတလီ ပွဲမှာ အီတလီ အနိုင်ရပြီး ဗိုလ်စွဲသွားတဲ့ အတွက် အိပ်ပျက်ခံ ကြည့်ရတာ တန်သွားတယ် ။ မဟုတ်လို့ အီတလီသာရှုံးခဲ့ရင် တနုံနုံနဲ အိပ်ပျော်တော့မှာ မဟုတ်ဘူး ။ အားကစား စိတ်ဓာတ်မရှိဘူးပဲပြောပြော ကိုယ်အားပေးတဲ့အသင်းနိုင်ရင် အရမ်းမပျော်ပေမဲ့ ရှုံးရင်တော့ နေလိုထိုင်လို့ ကိုမကောင်းချင်တော့ဘူး။ ပြီးတော့ ရှုံးတဲ့သူတွေ ကိုကြည့်ရတာ၊ သူတို့ ဝမ်းနည်းနေတာကို မြင်ရတာလည်း စိတ်မကောင်ဖြစ်မိတယ်။ ကိုယ့်အကြောင်းကိုသ်ိလို့ ဘောလုံးပွဲကြည့်ရတာ အရမ်းကြိုက်ပေမယ့် မကြည့်ပဲနေတာ အတော်ကြာပါပြီ။ ပြီးခဲ့တဲ့ 2002 World Cup တုန်ုးကလည်း အဲ့ဒီအချိန်က ကိုယ်ရှိနေတဲ့ နိုင်ငံက ပွဲစဉ်တွေကြည့်ဖို့  အချိန်ရော အခြေအနေရော အားလုံးကောင်းနေပေမယ့် လုံးဝမကြည့်ဖြစ်ခဲ့ဘူး။ ဘောလုံးပွဲလာလို့  သူငယ်ချင်းတွေကြည့်နေပြီဆို ကိုယ့်အခန်းထဲမှာပဲနေပြီး စာဖတ်နေခဲ့တာ။ ပွဲပြီးမှ ဘယ်သူနိုင်လဲ မေးခဲ့တာပါ။ တစ်ပွဲမှကို မကြည့်ပဲနေခဲ့ပါဘူး။ ကြောင်တယ်ပဲပြောမလား။ အိမ်ကိုဖုန်းဆက်တော့ မေမေကမေးခဲ့တယ်။ ငါ့သမီး စာမကြည့်ပဲ ဘောလုံးပွဲပဲကြည့်နေသလားတဲ့။ ကျွန်မက လုံးဝ မကြည့်ုဖြစ်ဘူးပြောတော့ မေမေတောင် တော်တော်အံ့သြော သွားခဲ့တာ အမှတ်ရ မိတယ်။ ဟုတ်ရဲ့လားတဲ့။ မေမေမယုံတာလည်း မဆန်းပါဘူး။ ကျွန်မကလည်း ရန်ကုန်မှာတုန်းကဆို TV ကကြည့်လို့ ရသမျှ ဘောလုံးပွဲတွေကို တစ်ပွဲမှ မလွတ်အောင်ကြည့်ခဲ့တာကို။ ခု 2006 World Cup မှာလည်း အိမ်ကိုဖုန်းဆက်တော့  မေမေက အသေအချာမှာပါတယ်။ ဘောလုံးပွဲတွေကြီးပဲ အိပ်ရေးပျက်ခံကြည့်မနေနဲ့ တဲ့။ အိပ်ရေးပျက်ရင် အလုပ်မှာ အဆင်မပြေလို့ ကြည့်လဲ ခဏပဲ ပွဲပြီးအောင်မကြည့်ဖြစ်ဘူး ပြောတာကို မယုံမကြည်နဲ့ ပါ။ ဟိုနေ့ က ဖေဖေ နဲ့ ဖုန်းပြောဖြစ်တော့ ဖေဖေက လည်းမေးသေးတယ်။ သမီး နေကောင်းရဲ့လားတဲ့။ ကောင်းပါတယ်၊ ဘာလို့ မေးတာလဲပြန်မေးကြည့်တော့ ဘောလုံးပွဲတွေကြည့်၊ အိပ်ရေးတွေပျက်၊ အလုပ်မှာပင်ပန်းနဲ့  ငါ့သမီးနေမကောင်းမှာ စိုးရိမ်နေတာတဲ့လေ။ တကယ်ပါ ဒီ 2006 World Cup မှာ ဒီ နောက်ဆုံးဗိုလ်လုပွဲတစ်ပွဲကိုပဲ ပွဲစ မှ ပွဲဆုံးတဲ့အထိ အစအဆုံး ပြီးအောင်ကြည့်ဖြစ်တာပါရှင်။ ခု လည်းခဏလောက်ပြန်အိပ်ဦးမှ၊ အလုပ်သွားရဦးမယ်လေ။ စိတ်ချမ်းသာစွာနဲ့  ရတဲ့ အချိန်လေး အိပ်လိုက်ပါဦးမယ်။