15 September 2006- မ ဘလောခ့် ဖြစ်သော နေ့ များ အကြောင်း

အပြင်မှာ မိုးတွေရွာနေတယ်။ ခုအချိန်မှာ အလုပ်မှာ မဟုတ်ပဲ၊ အိမ်မှာ သာဆို ဘယ်လောက် ကောင်းလိုက်မလဲ။ ဒီနေ့ အဖို့ အချိန်တွေ ကုန်တာ အရမ်းနှေးနေ သလိုပဲ။ ဒီနေ့  သောကြာနေ့  ဆိုတော့ နောက် နှစ်ရက်ကြရင် အလုပ်လာဖို့  မလိုတော့တာ တွေးရင်း အလုပ် လုပ်ဖို့ ကို စိတ်မပါဘူး ဖြစ်နေတယ်။ တစ်မနက်လုံး meeting တက်ရတာနဲ့  လည်းဆိုင်မယ် နဲ့ တူတယ်။ မိုးအေးအေးမှာ meeting room ထဲ ၃ နာရီလောက် ထိုင်နေ လိုက်ရတော့ ပိုအိပ်ချင်သွားတာ ဖြစ်မယ်။ ဒါတောင် အပြန်အလှန် ဆွေးနွေးရတဲ့ meeting မျိုးဖြစ်လို့  တော်သေးတယ်၊ မဟုတ်ရင်တော့ အဲ့ဒီ meeting room ထဲမှာတောင် အိပ်ပျော် သွားနိုင်တယ်။ ခုရက်ပိုင်း အလုပ်တွေ ရှုပ်နေတာနဲ့  ဘလောခ့် မရေးဖြစ်တာ တစ်ပတ်လောက်ရှိ သွားတယ်။ ကိုယ်တိုင်သာ မရေး ဖြစ်တာပါ၊ သူများ ရေးထားတာတွေတော့ ဖတ်ဖြစ် ပါသေးတယ်။

ဒီရက်ပိုင်းရှုပ်နေတာက နှစ်ခု။ တစ်ခုက အိမ်ပြောင်းဖို့  အိမ်ရှာ နေရတာလေ။ တော်တော်ရှုပ်တဲ့ နိုင်ငံ။ ဒီမှာ အိမ်ခန်းတွေ ရှာမယ်ဆို ပွဲစားနဲ့ ရှာရတာ များတယ်။ သတင်းစာထဲက ရှာလည်း ပွဲစားနဲ့  အရင်တွေ့ တာ များတယ်။ ပွဲစားက တဆင့် အိမ်ငှါးမယ်ဆို ငှါးတဲ့ သူက အိမ်လခရဲ့ တစ်ဝက်ကို ပွဲစားခ (agent fee) အနေနဲ့ ပေးရတယ်၊ အိမ်ပိုင်ရှင်ဘက် ကလည်း လခတဝက်စာ ပေးရတယ် ထင်တယ်။ စဉ်းစားတယ် ခုအလုပ် မလုပ်တော့ပဲ ပွဲစားပဲ လုပ်တော့ရင် ကောင်းမလားလို့ ။ သူတို့ က ကိုယ့်ထက်ပိုရ နေသလိုပဲ။ စကားတော့ တော်တော် ပြောရတယ်။ ထားပါ။ ပြောလို့  သာပြောတာပါ ကိုယ်က အဲ့လို အလုပ်မျိုး လုံးဝ လုပ်လို့  မဖြစ်နိုင်ဘူးဆိုတာ သိနေတယ်။

ဒီမှာ အိမ်ငှါးရင် အများအားဖြင့် ၁ နှစ် ၂ နှစ် နေပါ့မယ့် ဆိုပြီး စာချုပ်က ချုပ်ရသေးတယ်။ စာချုပ် ကာလ မပြည့်ခင် ထွက်မယ်ဆိုရင် စပေါ် ပေးထားတာက ပြန်မရတော့ဘူး။ အိမ်ငှါး စာချုပ်ပြည့် ပြီဆို ထုံးစံ အတိုင်း အိမ်လခ တိုးတောင်းတတ် ပါသေးတယ်။ အိမ်ရှင်တွေ အလွန်လို့ လည်း ပြောလို့  မရပါဘူး။ ဒီမှာ အားလုံး ဈေးတွေတက် နေတယ်ဆိုတော့ သူတို့ နေရာမှာ ကိုယ်သာဆိုလည်း အိမ်လခ တိုးတောင်းမှာပဲ။ အင်း... အိမ်ငှါး ဘက်က ကျတော့လည်း အိမ်လခ တိုးမပေးချင်ပြန်ဘူး။ တော်ရုံ တိုးတောင်းတာလောက်ဆိုရင်တော့ တိုးပေးနိုင် ကျမယ် ထင်တယ်။ ခုတလော ကြုံနေရတာ၊ ကြားနေရတာတွေ ကတော့ အိမ်လခတိုးတောင်းပြီဆို ၃၀၀-၅၀၀ လောက်တိုးတောင်း တယ်ဆိုတာပဲ ကြားနေရတယ်။ တစ်အိမ်မှာ လူတွေ အများကြီးနေတယ် ဆိုရင်ကတော့ ဒီလောက် တိုးပေးရတာ သိပ် မသိသာလောက် ပေမယ့်၊ ၃ ယောက်၊ ၄ ယောက်ပဲ နေတယ်ဆို တော်တော် သိသာသွားတယ်။ ပိုဆိုးတာက လက်ရှိ နေတဲ့ အိမ်တွေမှာ ထပ်ပြီး နောက်တစ်နှစ် စာချုပ် ချုပ်မယ် ဆိုရင်တောင် ပွဲစားခက ထပ်ပေးရ သေးတယ်။ ဒီအိမ်မှာပဲ ဆက်နေမှာကို အိမ်ရှင် နဲ့  အိမ်ငှါး ကီစ္စပြီးရင် ပြီးသင့်တာကို၊ ပွဲစားခ ထပ်ပေးရမယ်ဆိုတော့ တစ်မျိုးကြီးပဲ။ ပွဲစားတွေ က အိမ်ငှါးတွေနဲ့  အိမ်ရှင်တွေကို တိုက်ရိုက် ဆက်သွယ်မှာကို အရမ်းကြောက် ကြတယ်။ အ်ိမ်ရှင် လိပ်စာတို့ ၊ ဖုန်းနံပတ်တို့  ကိုဆို လုံးဝ မပေးဘူး။ ဆိုးလိုက်တဲ့ ပွဲစားတွေ။ ကောင်းတဲ့ သူလည်း ရှိချင်ရှိမှာပါ၊ ဒါပေမယ့် တခါမှတော့ မကြုံဘူး သေးဘူး။

ဒီနိုင်ငံမှာ ကျွန်မ အတွက် ထူးဆန်းနေတာ တစ်ခုရှိသေးတယ်။ အိမ်တွေမှာ အိမ်ခန်း ရေတွက်တဲ့ ကိစ္စပါ။ အိမ်တစ်အိမ်ကို 3 rooms flat လို့  ပြောရင် တစ်ခြားနိုင်ငံမှာ ကျွန်မ အမြဲ နားလည်ခဲ့တာ ကတော့ အိပ်ခန်း ၃ ခန်းပါတဲ့ တိုက်ခန်း ကိုပြောတာပေါ့။ ဒီနိုင်ငံမှာ အဲ့လို မဟုတ်ဘူး။ 3 rooms flat ဆိုတာ အိပ်ခန်း ၂ ခန်း ထဲပါ တဲ့ဟာ ကို ခေါ်တာ။ သူတို့ က ဧည့်ခန်းလို အိမ်ထဲ ဝင်ဝင်ချင်းမှာ တွေ့ ရတဲ့ အခန်းကိုပါ ထည့်တွက်ပြီး 3 rooms flat လို့  ပြောနေတာလေ။ မီးဖိုချောင်ခန်းကိုပါ ထည့် တွက်ပြီး 4 room flat လို့  မပြောတာ တော်သေးတယ်လို့  ပြောရမယ်။ ဒါတောင် ဟို တလောက 5 rooms flat ဆိုလို့ သွားကြည့်မိပါတယ်၊ တကယ်ကျတော့ အိပ်ခန်းက ၃ ခန်းပဲပါတယ်။ တိုက်ခန်းက နှစ်ထပ် ပုံစံလေးကို အိပ်ခန်း ၃ ခန်းက အပေါ်ထပ်မှာ၊ မီးဖိုချောင် နဲ့  ဧည့်ခန်းက အောက်ထပ်မှာ ရှိတယ်။ အောက်ထပ်က hall ပုံစံလေး။ အောက်ထပ်မှာ အလှပုံစံ နည်းနည်းလေးပဲ ကာထားတာ ရှိတယ် ဆိုတော့ ဘယ်လိုမှ နှစ်ခန်းလို့  ပြောလို့  မရနိုင်ဘူး။ ဒါကို 5 rooms flat တဲ့လေ။ ဒီမှာ room ဆိုတာကို ဘယ်လို နားလည်ရမှန်း မသိတော့ဘူး။ နောက်တော့ ကျွန်မမှာ အိမ်ကိစ္စ ဖုန်းဆက်တဲ့ အခါတိုင်း အိပ်ခန်း ဘယ်နှစ်ခန်း ပါတာလဲ ဆိုတာကို ရှင်းရှင်းလင်းလင်း သိအောင် မေးနေရတယ်။ တစ်ချို့  ပွဲစားဆိုတာ တွေကလည်း ငှါးဖို့  အိမ်ရှိတယ်သာပြောတာ၊ ငှါးမယ့် အိမ်ကို မြင်ဘူးတာ မဟုတ်တော့ ကျွန်မ မေးတဲ့ မေးခွန်းဟာ သူတို့  အတွက် တော်တော်တော့ ဖြေရခက်တဲ့ မေးခွန်း ဖြစ်နေတဲ့ပုံတွေပဲ။

ကျွန်မရဲ့ သူငယ်ချင်းတွေက လည်း အားမကိုးရ ပါဘူး။ အိမ်လေးဘာလေး ဝယ်ကြတာ မဟုတ်ဘူး။ သူတို့  တွေ အိမ်ဝယ်ကြမယ်ဆိုရင် အားနေတဲ့ အခန်းမှာ သွားနေလို့  ရတာပေါ့။ ဒီမှာ လူတွေက အိမ်တွေဝယ်ပြီး သူတို့  က တစ်ခန်းနေ၊ ကျန်တဲ့ အခန်းတွေကို ပြန်ငှါးတာ တွေ့ တွေ့ နေ ရတာပဲ။ သူများတွေထက် အခန်းခလေး ပိုပေးဆိုလည်း ပိုပေးပါမယ်။ အိမ်လေးများ ဝယ်ဖို့  စိတ်ကူး မရှိ ကြဘူးလား။ တစ်နှစ် တစ်နှစ် အိမ်ပြောင်းရတဲ့ ဒုက္ခကို မခံချင် လို့ ပါ။ ကျွန်မကို သူများတွေကို ပြောနေမယ့်အစား ကိုယ့်ဟာကို ဝယ်ပါလားလို့  မပြောပါနဲ့ ။ ဝယ်ဖို့  ပိုက်ဆံ မရှိသေးပါဘူး။ ခုနေများ အိမ်ဝယ်ဖို့  ပိုက်ဆံရှိ အုန်းတောင်မှ ကျွန်မ တစ်ယောက်တည်း အိမ်ဝယ်လို့  မရနိုင်ပါဘူး။ ဒီမှာက PR နှစ်ယောက်ပေါင်းမှ အိမ်တစ်ခန်း ဝယ်ခွင့်ရှိတာပါ။ ဒီနိုင်ငံသားတွေ ဘယ်လိုမှ အိမ်ခန်းဝယ်လို့  ရလည်းတော့ ကျွန်မ သေချာ မသိဘူး။ PR ဆိုရင်တော့ နှစ်ယောက်မှ ဝယ်လို့ ရတာ သေချာပါတယ်။ အဲ့ဒီ အိမ်ဝယ်မယ့်သူ နှစ်ယောက်က သူငယ်ချင်းတွေပဲ ဖြစ်နေမယ် ဆိုရင်တော့ တူတူစပ်ပြီး အိမ်ဝယ်လို့  မရနိုင်ပါဘူး။ အဲ့တာတွေကြောင့် ဝယ်နိုင်သူများ အိမ်ဝယ်ကြပါလို့  တိုက်တွန်း နေရတာပါ။ မောင်နှမ နှစ်ယောက် ပေါင်းဝယ်ရင်တော့ ရတယ် ထင်တယ်။ ကျွန်မရဲ့ မောင်နှမတွေကလည်း တစ်ယောက်မှ ဒီနိုင်ငံမှာ မရှိသလို၊ ဒီမှာလည်း မနေနိုင်ပါဘူး ဆိုတော့ကား ဒီနိုင်ငံမှာ အိမ်ဝယ်ဖို့  ဆိုတာ ကျွန်မ နဲ့  တော်တော် အလှမ်း ဝေးတဲ့ အရာတစ်ခုပါ။

ကျွန်မက အိမ်ခန်းရှာတာမှာလည်း နည်းနည်း ဂျီးများသေးတယ်။ ဒီမှာ share room တွေမှာ နေမယ်ဆို ရှာရတာ ပိုလွယ်တယ်။ ကျွန်မက သူများနဲ့  အခန်း တစ်ခန်းတည်းမှာ အတူတူ မနေချင်တော့ အိမ်ခန်း ရှာရတာ ပိုခက်တာပေါ့။ ပြီးတော့ အခန်းမှာ အဲရားကွန်းလေးလည်း ပါစေချင်ပြန်ရော။ အိမ်ကိုလည်း သန့် သန့်  ရှင်းရှင်းလေး ဖြစ်တာကိုမှ နေုချင်တယ်။ ကိုယ့်ဟာကိုသာ အခန်းကို ရှုပ်ချင်ရှုပ်မယ်၊ သူ့  နဂိုအတိုင်း ဆိုရင်တော့ ဖြုဖွေးပြီး သန့် နေမှ ကြိုက်တယ်။ ဒါမှ စိတ်ကူးပေါက်လို့  အခန်းရှင်းရင် အခန်းလေးက သန့် ရှင်း နေမှာ။ ရေးချိုးခန်းမှဆိုလည်း ရေပူ၊ ရေအေး နှစ်မျိုးလုံး ရမှ၊ အိမ်သာဆိုလည်း သန့် ရှင်းနေမှ ကြိုက်တယ်။ ပြီးတော့ အိမ်ရှင်နဲ့ လည်း အတူတူ မနေချင်ပြန်ဘူး။ single room နေမယ်ဆို အိမ်ရှင်နဲ့  နေရတဲ့ အခန်းမျိုးဆို ပိုရှာရလွယ်တယ်။ ပိုက်ဆံလည်း ပိုသက်သာတယ်။ ကျွန်မက ပိုက်ဆံကလည်း တော်ရုံပဲ သုံးချင် ပြန်သေးတယ်။ ပိုက်ဆံ အများကြီးသုံးရင်တော့ တစ်အိမ်လုံးငှါး၊ တစ်ယောက်တည်းနေ။ ရတာပေါ့ ။ ဒါပေမယ့် အိမ်ခန်းခကတင် ကိုယ်ရတဲ့လခရဲ့ တဝက်လောက် ဖြစ်နေမယ်ဆို မဟုတ်ပြန်ဘူး။ အဲ့ဒီလောက် ဂျီးများနေမှတော့ အိမ်ခန်းရှာရ ခက်တာ ဘာဆန်း မလဲ။ ဒါတောင် အလုပ်နဲ့  နီးမှဆိုတာကို ထဲမစဉ်းစား ထားသေးဘူး။ မတတ်နိုင်ဘူး။ ကိုယ်တစ်ယောက်တည်း ကြုံတွေ့ နေရတဲ့ ဒုက္ခမှ မဟုတ်တာ လို့ ပဲ တွေးနေလိုက်တယ်။ ဒီဒုက္ခက တစ်ခါတည်းပြီးမှာ မှ မဟုတ်တာ၊ ဒီနိုင်ငံမှာ နေသမျှတော့ ဒီဒုက္ခနဲ့  အမြဲတွေ့  နေရဦးမှာပဲ။ ဘာပဲ ပြောပြော ခုတော့ အိမ်ခန်း ရသွားပြီ။ စိတ်ပေါ့ သွားတယ်။ အိမ်ခန်း ကူရှာပေးတဲ့ သူငယ်ချင်း အားလုံး နဲ့  အိမ်ခန်း တွေလိုက်ကြည့်ပေးတဲ့ သူငယ်ချင်းကို ကျေးဇူးတင်တယ်။ နောက်လိုတဲ့ အခါတွေလည်း ဒီလိုပဲ ကူညီ လိုက်ရှာပေးကြပါဦး။

မလုပ်မဖြစ် လုပ်ရမှာ တစ်ခုပြီးသွားပြီ၊ တစ်ခုပဲ ကျန်တော့တယ် ဆိုတော့ ဒီရက်ပိုင်းတော့ နည်းနည်း အားမယ် ထင်တယ်။ တကယ်တော့ မအားတာ မဟုတ်ပါဘူး။ မလုပ်မဖြစ် လုပ်စရာတွေ ရှိနေတယ်ဆို စိတ်က ရှုပ်နေတာနဲ့  တခြားဟာတွေ မလုပ်ဖြစ်တော့တာ။ အဲ့ လုပ်စရာ ရှိတာ လုပ်လားဆိုတော့လည်း ထုံစံအတိုင်းပေါ့။

ဒီရက်ပိုင်း ဘာတွေ ထူးထူးခြားခြား လုပ်ဖြစ်လဲ။ ဘာတွေ ထူးခြားလည်းဆို အစ်ကိုကြီး ပြန်သွားပြီဆိုတော့ အရင်လို ပြန်ဖြစ်သွားတယ်။ သူပြန်သွားတော့ ကိုယ်လည်း လိုက်ပြန်ချင်သား။ တစ်ယောက်တည်း နေနေကြ ဆိုတော့ သူတို့ တွေ ရှိရင် ရှုပ်နေသလို ဖြစ်နေပေမယ့်၊ ပြန်သွားပြီဆိုတော့လည်း သတိရသား။ ညနေဆို ဖုန်းဆက်ပြီး အိမ်ပြန်မလားသေးဘူးလား မေးမယ့်သူ မရှိ၊ ညနက်လို့ု မအိပ်သေးရင် သွားအိပ်တော့ လို့  ပြောမယ့် ဆိုမယ့် သူမရှိ၊ ထမင်းမစားရင် ဆူမယ့် သူမရှိ။ အင်း.... ဒီလို နေတာ ကောင်းသလိုလို မကောင်းသလိုလိုပဲ။ မသိပါဘူး။ ဒီလိုပဲ နေရမှာပဲ ဆိုတော့ ကောင်းတယ်လို့  စိတ်ထဲမှတ်ထားတော့ စ်ိတ်ထဲ ရှင်းတာပဲ။ ခုဆို အိမ်မှာရှိရင် သီချင်းနားထောင်၊ ရုပ်ရှင်တွေ ဒေါင်းလုတ်လုပ်၊ စာဖတ်၊ ဖုန်းပြောချင်ပြော။ ကိုယ့်ကို ဂရုတစိုက် လိုက်ပြောနေတမယ့် သူမရှိတော့ ကိုယ့်ဟာကို ပို ဂရုစိုက်ရတာပေါ့။ တခါတလေလည်း ဟိုသွားဒီသွားပေါ့။ မထူးခြားတဲ့ ဒီနိုင်ငံက ပုံစံအတိုင်းပေါ့။ ဒီလောက်ပါပဲ။

ခုနားထောင် မိတဲ့ သီချင်းလေး။ အင်္ဂလိပ် သီချင်းလေးပါ။ မိုးအေးအေးမှာ နားထောင်ရင်း နာထောင်ရင်းနဲ့  သဘောကျ သလို ဖြစ်သွားတယ်။ ဒီသီချင်းကို ရင်ဂို က မြန်မာလို ပြန်ဆိုထားတာ နားထောင်ဘူးတယ်။ "နောက်ဆုံး အချစ်" လို့  ထင်တာပဲ။ "နောက်ဆုံး အချစ်ကို ခုတခါ တစ်ကယ်ပဲ အဆုံးသတ်လိုက်ပါပြီ အချစ်" ... ဆိုတဲ့ စာသားနဲ့ ။ ရင်ဂို က ပထမဆုံးဆိုတာလား၊ သူများဆိုတာကို နောက်ထပ် ပြန်ဆိုထားတာလားတော့ မသိဘူး။ ခုခေတ်က သီချင်းတစ်ပုဒ်ဆို ဟိုလူဆိုလိုက် ဒီလူဆိုလိုက်နဲ့ ။ ဘာတွေမှန်း မသိပါဘူး။ ဒီမှာ နားထောင်ချင်ရင် နားထောင်ကြည့်လို့  ရအောင် ပေးထားပါတယ်။

Cascades - Rhythm of The Rain

ဘာဆက်ရေးရင်ကောင်မလည်း စဉ်းစားမရတော့ဘူး။ ဒီနေ့ တော့ ဒီလောက်ပါပဲ။ ကောင်းသောနေ့  ဖြစ်ပါစေ။