Pages

April 16, 2009

ပန်းပိတောက်မင်း



လတန်ခူးပေမို့
အလှထူးပါဘိ
မြမြဖူးရယ်တဲ့ ခိုင်ရွှေဝါ။

တကယ်တမ်းသာဖြင့်
ဘယ်ပန်းသော် စံမတူဘု
နန္ဒမူ ဖလ်ဂူထိပ်မှာလ
ပစ္စေကာ ချွေးတော်သိပ်ရတယ်
အေးရိပ်ဆာယာ။

တနှစ်တွင် သည်တလသာပ
တလတွင် တရက်ထဲ
ခက်ခဲတဲ့ ရက်ဗုဒ္ဓါ
ပွင့်ရှာကြ စုံမြိုင်တွင်း။

မြူမင်းလွင်ထန်
ကြူသင်းတာချိန်ယံ မတော့
ရွှေဝတ်ဆံ ငုံတံ ညှောက်ကယ်နှင့်
ခါသင်္ကြန် ဂိမှာန် ရောက်ပြန်တော့
သိရ်သရေ ထိန်ဝေလို့ တောက်တဲ့ပြင်
လမ်းတလျှောက် သင်းတာမို့
ဆန်းသလောက် မလင်းနိုင်ဘု
ပန်းပိတောက်မင်း … ။ … ။
(ဦးကြော့)

မခူးချင်စမ်းပါနဲ့
နှစ်ဆန်း ခါတော်မီမို့
ဇမ္ဗော်ရည် ပြည်ပြည်လိမ်းကာပ
ခပ်သိမ်းနယ် စုံစုံသို့
ပွင့်ငုံကို လင့်ကုန်ကြတော့လို့
ခေါင်းကြွကာ ဆာဝေေ၀နဲ့
သူလည်းလေ လောကီသားလိုပေါ့
ကြွားချင်လှ ပေလိမ့်မယ်။

တသိန်တင့်ပါဘိ
တိမ်မြင့်ရီပြာပြာက
ကြည်သာသာ ပင့်လေအဖြူးတွင်ဖြင့်
တီတာတာ ပွင့်ရွှေဖူးငယ်တို့
လည်ယှက်ကာ ဘယ်ညာလူးလေတော့
သူတို့လို ဘယ်သူမြူးနိုင်ပါ့
ထူးပါဘိတယ်။

တ၀ါဝါ ဆင်သင်္ကန်းရယ်က
ကမ္ဘာမှာ ဘ၀င်ချမ်းစေတဲ့
သာသနာ ရွှင်ရွှင်လန်းအောင်လို့
တမင်မှန်းကာပ သတိဆွယ်
ရည်ရွယ်တော့ သလား။

ခူးပါနဲ့ကွယ်
ပွင့်ဖူးမှာ အ၀ါခြယ်လို့
မာလာအလယ်မှာ နွှဲချင်တဲ့ နှလုံးရယ်ကြောင့်
နှစ်ဆုံးကုန် အတာဝင်သို့
မာန်အင်ကို ဉာဏ်ဆင်မွေးကာပ
အရေးအခါသာမှ
ခမျာမှာ တဂုဏ်ဆန်းရတယ် …
ပန်းပိတောက်များ … ။ … ။
(ဇော်ဂျီ)

မဟန တင်ထားတဲ့ ပိတောက်ပန်းပုံတွေ၊ ကိုဖြိုး ရဲ့ ပိတောက်ပန်းပုံတွေကို ကြည့်ပြီး လတန်ခူးပေမို့  အစချီတဲ့ ပိတောက်ပန်း ကဗျာလေးကို သတိရသွားတယ်။ အဲဒီကဗျာလေးက ကျောင်းတုန်းက သင်ခဲ့ရတာဆိုတော့ ကဗျာတစ်ခုလုံးကို အလွတ်ဆိုလို့ ရပေမယ့် တစ်ချို့ စကားလုံးတွေ မှားသွားမှာ စိုးတာကြောင့် ဂူးဂဲလ်လုပ်ကြည့်လိုက်တဲ့ အခါ မမေဓာဝီ တင်ထားတဲ့ ကဗျာလေးတွေကို သွားတွေ့ တယ်။ ဇော်ဂျီ ရေးတဲ့ ပိတောက်ပန်း ကဗျာထဲက စာသားတစ်ချို့ ကို သိပေမယ့် အဲဒီကဗျာကိုတော့ အလွတ် မရဘူး။ ကဗျာတွေရော၊ ပန်းတွေရော သဘောကျတာနဲ့  မှတ်ထားလိုက်ပါတယ်။ ပုံထဲက ပိတောက်ပန်းတွေက မြန်မာပြည်မှာ ပွင့်တဲ့ ပိတောက်ပန်းတွေတော့ မဟုတ်ဘူး။ ဒါပေမယ့် ဘယ်နေရာမှာပွင့်တဲ့ ပိတောက်ပန်း ဖြစ်ပါစေ... ပိတောက်ပန်း ဆိုတာနဲ့  ပိတောက်ပန်း မြင်တာနဲ့  ကိုယ့်တိုင်းပြည်ကိုပဲ သတိရမိပါတယ်။

Other Related Post :
National Flower: Burma Padauk!

3 comments:

ဒူကဘာ said...

ဘယ်နေရာ ရောက်ရောက်၊ ဘာတွေ ဖြစ်ဖြစ်၊ ဒီအချိန် ရောက်ရင် ဒူကဘာ့ စိတ်တွေ ဖေါက်ဖေါက် လာတယ် ပြောပြော၊ ရွာကိုတော့ လွမ်းစိတ်ခိုကြတာ ပါပဲလေ။ ငယ်က ကဗျာလေး ထပ်ဖတ်သွာတယ်။

Nay Nay Naing said...

ဒီအချိန်ရောက်ရင် ဖောက်တာ ကို ဒူကဘာ တစ်ယောက်တည်း ဟုတ်မယ် မထင်ဘူး။ အဖော်တွေ အများကြီးရှိမှာပါ။ ပြည်ပမှာရောက်နေတဲ့ လူအတော်များများ သင်္ကြန်အချိန်ဆို ဗမာပြည်ကို သာမန်အချိန်တွေထက်ပိုပြီး ပြန်ချင်ကြတယ်၊ ပိုလွမ်းကြပါတယ်။

Myo Kyaw Htun said...

ဒီဖက်မှာက ပန်းတောက်ပင်တွေ များတယ် ... လမ်းဘယ်ညာရှိတော့ ကြွေနေတဲ့အချိန်ဆိုရင် လမ်းကကားတွေပေါ်မှာ ဖုန်းနေတယ်.. အဲဒိချိန်တွေမှာ ဓါတ်ပုံ မရိုက်မိဘူး :D