အိုင်ပက်.. အိုင်ပက်

ဟိုနေရာတွေ၊ ဒီနေရာတွေ့ တွေ့ နေတဲ့ အိုင်ပက် အကြောင်း တွေရင်း၊ စဉ်းစားရင်း ဟိုးငယ်ငယ်က အမေ မရှိတုန်း အိုင်ပက်ပြီး ငါးသွားဖမ်းလို့  ဒဏ်ပေးခံရတာ သတိရသွားတယ်။

မိုးအကုန်၊ ဆောင်းအကုန်၊ နွေဦးပေါက် အချိန် အင်းအိုင်တွေ၊ ချောင်းတွေ မြောင်းတွေမှာ ရေတွေနည်းလာတဲ့ အခါ အိုက်ပက်ပြီး ငါးဖမ်း ၀မ်းစာရှာကြတယ် ဆိုတာမျိုး ကြားဖူးကြမှာပါ။ ကိုယ်တွေကတော့ ၀မ်းစာရှာတာ မဟုတ်ဘူး ဆော့တာ။ တကယ်တော့ မိုးအကုန်လောက်မှာ ခြံထဲမှာရှိတဲ့ ရေမြောင်းပိတ်ပြီး ငါးဖမ်းတိုင်းဆော့တာမျိုး။ အမေက ကျွန်မတို့ ကို အိမ်မှာထားခဲ့ရမယ်ဆို သူအပြင်မသွားခင် ဘာတွေ မလုပ်ရမှာတွေမျိုး သေချာမှာ သွားလေ့ရှိတယ်။ အဲဒီထဲမှာ ငါးမဖမ်းရဘူးဆိုတာ ထိပ်ဆုံးက ပါတာပေါ့။ ဒါကို မောင်နှမ နှစ်ယောက် အမေ မရှိတုန်းလေး ဆိုပြီး မိုးဖွဲဖွဲလေးမှာ ဆင်းဖမ်းတာ၊ ပြန်လာတော့ ဒဏ်ပေးခံရတော့တာပဲ။ တခြားသူတွေဆော့တာ တွေ့ တော့ ကိုယ်တွေလည်း ဆော့ချင်တာပေါ့။

ငယ်ငယ် ၁ တန်း ၂ တန်းလောက်နေ ၆-၇ တန်းလောက်ထိ မိသားစုတွေ ဆွေမျိုးတွေ စုနေတဲ့ ခြံတခြံထဲမှာ ရှိတဲ့ အိမ်တစ်အိမ်ရဲ့ အောက်ထပ်မှာ ကျွန်မတို့  မိသားစုက ငှါးနေခဲ့တယ်။ ခြံထဲမှာ အသက် သိပ်မကွာတဲ့ ရွယ်တူတွေ အများကြီးဆိုတော့ အားလပ်ရက်တွေဆို အားလုံး စုပြီးဆော့ကြတာ ပျော်စရာသိပ်ကောင်းတယ်။ ပြောရရင် အဲဒီခြံထဲမှာ ရေမြောင်းတွေ အတော်များများ ရှိတယ်။ အကြီးကြီးတွေ မဟုတ်ပါဘူး၊ ရေစီးအောင် အိမ်တွေဘေးပတ်လည်မှာ လုပ်ထားတာဆိုတော့ သိပ်လည်း မနက်ဘူး။ မိုးတွင်းဆိုရင်တော့ ကလေးတွေအတွက် ခါးလောက် ရှိမှာပေါ့။ အဲဒီနေရာက မြစ်နဲ့  သိပ် မဝေးဘူး။ အရမ်းလည်း မနီးပါဘူး။ ဒါပေမယ့် ရန်ကုန်က ရေသွားရေလာ စနစ်တွေသိတဲ့ အတိုင်း မိုးရွာနည်းနည်း များပြီဆို ခြံထဲမှာ ရေတွေ တတ်လာရော။ မိုးတွင်းဆို မိုးရေတဖွေးဖွေးနဲ့  နေခဲ့ရတာပေါ့။ တခါတလေ မိုးများရင် အိမ်ထဲတောင် ရေတွေဝင်တယ်။ အဲလို ရေတတ်တဲ့ အတွက် ငါးတွေလည်း ပါလာတယ်။ မြစ်ကလာတဲ့ ငါးတွေလား ရွံ့ တွင်းအောင်းနေရာက ထွက်လာတဲ့ ငါးတွေလားတော့ သေချာမသိဘူး။ မိုးမများတော့ဘူးဆို ခြံထဲမှာရှိတဲ့ ရေစပ်စပ် ကျန်ခဲ့တဲ့ မြောင်းတွေထဲဆင်း၊ပိတ် အိုင်တွေလုပ်ပြီး ငါးဖမ်းကြတယ်။ မှတ်မိသလောက် အဲဒီတုန်းက သူများတွေ ငါးဖမ်းရင် ဘာတွေ ရလဲဆို ငါးရံ့ ခေါင်းတိုတွေ နဲ့  တလားဘီးယားတွေ။ ငါးရံ့ ခေါင်းရှည်တွေလည်း တခါတလေတွေ့ ရတယ် ထင်တယ်။ မြောင်းစပ်က တွင်းတွေမှာ ငါးရှဥ့် ဖမ်းတာလဲ တွေ့ ဖူးတယ်။ အမေက တခြားနည်းတွေ ကစားရင် ဘာမှမပြောပေမယ့် ငါးဖမ်းတာဆို လုံးဝမကြိုက်လို့  မကစားရဘူး။ တကယ်ဆို ကလေးဆိုတော့ ငါးရအောင် ဖမ်းချင်တာ အဓိက မဟုတ်ဘူး ရွှံတွေထဲ ဆင်းဆော့ ချင်တာ အဓိက ဖြစ်မယ်။ ဒူးလောက်ရှိတဲ့ ရေတွေရွံတွေထဲဆင်းပြီး လက်ခုပ်ထဲမှာ လှုပ်နေတဲ့ ငါးတွေကို ခပ်ကြောက်ကြောက်နဲ့  လိုက်ဖမ်းရတယ်ဆိုတဲ့ အရသာကိုမျိုး။ အဆူခံရတဲ့ နေ့ က ငါးဖမ်းလို့ ရလား၊ ရတယ်ဆို ဘယ်နှစ်ကောင် ဘယ်ငါးတွေရလဲ ဆိုတာတော့ မမှတ်မိတော့ပါ။ ငါးဖမ်းတဲ့အတွက် ဒဏ်ပေးခံရတယ် ဆိုတာတစ်ခုပဲ သတိရတယ်။

အတွေးထဲ ငယ်ငယ်ကအကြောင်း၊ မိုးရာသီ အကြောင်းဝင်လာပြန်တော့ အဲဒီခြံထဲမှာနေခဲ့စဉ် မိုးရာသီရောက်ပြီဆို သွားရလွယ်အောင် ချထားတဲ့ အုတ်နီခဲတွေ အကြားမှာ ဟောတစ်ကောင် ဟောတစ်ကောင် ဆိုသလို တွေ့ ရလေ့ရှိတဲ့ ရေမြွေ အ၀ါနဲ့  အနက်ကြားလေးတွေကို သတိရသွားပြန်တယ်။ ငယ်ငယ်က ဆို မြွေတွေ့ လို့ လည်း မကြောက်ဘူး။ အမြဲနီးပါးတွေ့ နေကြဆိုတော့ ရိုးနေပြီ။ ရေမြွေဆိုတာ အဆိပ်မရှိဘူး ပြောတာပဲ။ အဆိပ်ရှိတဲ့ မြွေတွေကတော့ တွေ့ ရခဲ ပါတယ်။ လုံးဝ မတွေ့ ခဲ့ဘူးတာတော့ မဟုတ်ဘူး။ မြွေပွေး၊ မြွေဟောက်တွေလည်း တွေ့ ဖူးတယ်။ တခါတလေလည်း မြွေ ကပြားလေးတွေကို တွေ့ ရတယ်။ မြွေသံချိတ်ဆိုလား မဲနက်နက် ခေါင်းပြားပြားနဲ့ မြွေတွေလည်း တွေ့ ရတယ်။ ငယ်ငယ်တုန်းက တခြားမြွေတွေကို ကြောက်စိတ်မပေါ်ဘူး။ ခြေထောက်ကို ခုနှစ်ပတ် ပတ်မိတာနဲ့ သေတတ်တယ် ဆိုတဲ့ မြွေကိုတော့ လန့် တယ်။ တွေ့ ဖူးလားဆိုတော့ မတွေ့ ဖူးဘူး၊ တကယ်ရှိ မရှိတောင် မသိဘူး။ သူများအပြော၊ ကိုယ့်အတွေးနဲ့  လန့် တာ။ ထူးဆန်းတယ်။ အခုရော ဘာလန့် လဲဆို ကိုယ့်လာ မကိုက်သ၍ ဘာကောင်မှ မလန့် ဘူးလို့ ပြောရမယ်။ အခု လက်ရှိ ကိုယ်နေတဲ့ နေရာတွေမှာက မြွေဆိုတာမျိုးကို တွေ့ ချင်တိုင်း လွယ်လွယ်ကူကူ တွေ့ ရတာ မဟုတ်ဘူး။ အချိန်ကုန်ခံ ပိုက်ဆံပေးသွားကြည့်ပါမှ တွေ့ နိုင်တာမျိုးလည်း ဖြစ်နေတယ်။ စားမယ်ဆို ပိုဈေးကြီးသေးတယ်။ အင်း... အသက်တွေ ကြီးလာလေလေ ဟိုးငယ်ငယ်ကဆိုပြီး သတိရစရာ၊ ပြန်ပြောင်း အောက်မေ့စရာတွေ များလေလေဆိုတာ သိပ်မှန်တာပဲ။ သိပ်မတွေးပဲနေမှ။

အင်တာနက်ပေါ်မှာ တွေ့ ရသမျှ အိုင်ပက်နဲ့  ပတ်သက်တာတွေ ထဲမှာ ပန်းသီးရဲ့ အိုင်ပက်အပေါ် ဟစ်တလာ ဘယ်လိုတုန့် ပြန်တယ် ဆိုတာကို အကြိုက်ဆုံးပဲ။ အမူအရာနဲ့  စာတွေက ကွတ်တိပဲ။ ရယ်ရတယ်။