Enjoy Weekend!

Hope you all enjoy yours', ... doing Just what you love to!

အခု အားလပ်ရက်မှာ ဘယ်မှမသွားဖြစ်ပဲ၊ အိမ်က ထည့်ပေးလိုက်တဲ့ အစားအစာတွေ စားလိုက်၊ အိပ်လိုက်နဲ့  အပြည့်အ၀ အနားယူနေပါတယ်။

ကျွေးတော့ မကျွေးပဲ အစားအသောက်ပုံတွေ တင်လိုက်၊ အစားအသောက် အကြောင်းတွေပဲ ရေးလိုက် လုပ်နေတယ် ဖြစ်မှာ စိုးတာနဲ့  Hide လုပ်ထားပါတယ်။ သိချင်တယ်ဆိုရင်တော့ အောက်က Link ကို Click လုပ်ပြီး ဖတ်ကြည့်လို့ ရပါတယ်။ ;)

အစားအသောက်များ

သောကြာနေ့ ညက အစ်ကိုကြီးကို လေဆိပ်မှာ သွားကြိုတယ်။ ထုံးစံအတိုင်း သူ့ ပစ္စည်းဘာမှ မပါပဲ အ်ိမ်က ထည့်ပေးလိုက်တဲ့ အစားအသောက်စရာတွေကို Luggage အကြီးနဲ့ တစ်လုံး အပြည့်သယ်လာ ပေးပါတယ်။ ဘာတွေပါလည်း ဆိုတော့
ဝက်နံရိုးကြော်
ငါးသလောက်အုကြော်
ငါးမြစ်ချင်း အစပ်ကြော်
ပုဇွန်ကြော်
ငါးသလဲထိုး အိုးကပ်
ငါးနီတူအစပ်ကြော်
ငါးခူအချိုကြော်၊ အစပ်ကြော်
ငါးခြောက်ထောင်းကြော်
ပုဇွန်ခြောက်ကြော်
ဝက်သားထောင်းကြော်
ငါးပိကြော်
ငါးခြောက်ဖုတ်

ထည့်ပေးလိုက်တာတွေ အားလုံး အကြော် တွေကြီးပဲ။ ဒါပဲ ကျွန်မ စားတတ်တာကို၊ တခြားဟာတွေ ထည့်ပေးလည်း စားမှာ မဟုတ်တော့ အမေနဲ့ အဖေက ကျွန်မ စားတတ်တာတွေပဲ ရွေးထည့်ပေးလိုက်တယ် ထင်ပါတယ်။ တချို့ ဟာတွေက ဒီမှာ ၀ယ်ပြီး လုပ်စားလည်းရဆိုတာ သူတို့ လည်းသိနေပေမယ့် သူတို့ သမီးက အစားအသောက်အတွက် အဲဒီလောက် အလုပ်ရှုပ်ခံ၊ ချက်ပြုတ်စားနေမှာ မဟုတ်ဘူးဆိုတာ သိလို့  ပို့ လို့ ရတိုင်း ပို့ နေတာ ထင်တယ်။ တခြားဟာတော့ လက်ဖက် နည်းနည်းနဲ့  နဲ့  နှစ်ပြန်ကြော် သုံး၊ လေး ထုတ်ရယ်၊ တိုးတိုး အားလူးအစပ်ကြော်၊ ဖြိုးဓန အားလူးကြော်၊ နေကြာစိလှော်ထုတ် နည်းနည်း နဲ့  အုန်းနို့ ခေါက်ဆွဲ တထုတ်၊ မုန့် ဟင်းခါး တစ်ထုတ်၊ မရမ်းသီးငပိကြော် တစ်ထုပ် ထည့်ပေးလိုက်တယ်။ အိမ်မှ ငါးပိထောင်းဖို့ အချိန်မရလို့ ဆိုပြီး မရွှေမိုး ငပိထောင်း ၂ ဗူးလည်း ပါတယ်။ ကိစ္စတော့ မရှိပါဘူး ကျွန်မမှ ငပိ မကြိုက်တာ။ တကယ်ဆို ငါးပိထောင်း ကြိုက်တာက တစ်ခြား တစ်ယောက်။ နောက်ပြီး မပါမဖြစ် ပုဇွန်ခြောက်တော့ ပါအောင် အမေက ထည့်ပေးလိုက် ပါတယ်။ ပုဇွန်ခြောက်တော့ ကျွန်မ အရမ်းစားတယ်။ ဒါပေမယ့် ပုဇွန်ခြောက် အရသာ၊ ပုံစံ၊ အရောင်၊ အကောင်ဆိုဒ်တော့ နည်းနည်းရွေးတယ်။ လက်ဖက်ကို ပုဇွန်ခြောက်ပါမှ စားတယ်။ တစ်ခါတလေ ဒီတိုင်းစားတယ်။ ဒီမှာ လက်ဖက်ဝယ်ရပေမယ့် ဒီက၀ယ်လို့ ရတဲ့ ပုဇွန်ခြောက်ကို မကြိုက်ဘူး။ ရက်ဆားနဲ့  တခြားဆေးတချို့ လည်း ပါတယ်။ ယောင်းမ ထည့်ပေးလိုက်တာတွေလည်း ရှိသေးတယ်၊ အစားအသောက်ကို ပိုစိတ်ဝင်စားလို့  သူထည့်ပေးတာ ဘာတွေလည်း မကြည့်ရသေးဘူး။ဘာစားချင်လည်း အမေမေးတုန်းက အချဉ်ထုတ် နည်းနည်း စားချင်တယ် ပြောလိုက်ပေမယ့် မတည့်ပဲနေမယ် ဆိုပြီး ထည့်မပေးလိုက်ဘူး။ မထည့်ပေးလဲ ကိစ္စမရှိပါဘူး၊ စားချင်ရင် ဒီကမြန်မာဆိုင်တွေမှာ ၀ယ်စားလို့  ရနေတာပဲလေ။

အခုရက်ပိုင်းတွေမှာတော့ အဲဒီ အစားအသောက်တွေစားရင် မိဘနှစ်ပါးရဲ့ ကျေးဇူး အထူးကြီးမားပါလားလို့  တွေးတွေးပြီး အိမ်ကို သတိရနေတော့မှာပါပဲ။ :D